Batik Jepara

Batik Jepara inggih punika silih tunggil soroh batik sané mawit saking Jepara. Batik puniki malianan sareng batik lianan krana madué motif ukiran sané khas saking Jepara.

Lelintihan

Seni batik ring Jepara kakaryanin olih Komunitas Peduli Batik Jepara. Komunitas punika ngaryanin batik nganggén cihna Jepara sakadi motif-motif khas saking Jepara. Lianan saking punika komunitas punika ngaryanin batik tur nyobyahang batik kran ritatkala ngaryanin batik, iraga patut tekun tur teliti.

Motif

Batik Jepara nganggén motif batik Jepara nganggén ukiran kayu Jepara. Wénten motif sané kapamérang manit saking corak ukir Jepara, sakadi:

1. Motif Parang Poro, inggih punika motif Jepara sané rupannyané ranting miwah don-donan, sané kasusun miring. Motif puniki artosnyané hidup sané saling merluang anak lianan.
2. Motif Lung-Lungan, inggih punika motif sané manut saking motif réliéf ukir Jepara sané wénten ring Désa Senenan.
3. Motif Kembang Setaman, inggih punika motif ulir sané kahiasin olih bunga mawarna-warni miwah kupu-kupu sané ngambarang kalangunan taman bunga.
4. Motif Elung Bimo Kurdo, inggih punika motif sané mawéntuk lung sané ageng. Motif puniki mawit saking tokoh ring pewayangan Bima tur nyihnayang karakter agung, kokoh, tur wibawa.
5. Motif Sido Arum, inggih punika motif marupa motif klasik sakadi Sido Mukti miwah Sido Pangkat, Motif punika madué artos mangda derajat pangkat madué kawigunan ring kauripan.
6. Motif Sekar Jagat Bumi Kartini, inggih punika motif Sekar Jagat sané kawewehin olih garis wates sané marupa stilisasi bunga melati. Sombol punika madué artos mangda batik sané wénten ring Jepara, prasida nglimbak ring makasami jagaté.

Panglimbak

Manut saking panglimbakannyané Seni Batik Jepara kagabung sareng Tenun Ikat Troso, nganggén cara nenun benang ngantos dados kain troso, salanturnyané kain tenun punika nganggén motif ukiran khas Jepara.