'''Tri Murti''' inggih punika tiga kasaktian miwah kawisésan Brahman (Sang Hyang Widhi) ring pariindikan [[Utpathi]] (makarya), [[Sthiti]] (ngupapira), [[Pralina]] (nglebur) jagat miwah sakancan dagingnyané sané maurip tur nénten maurip. Sang Hyang Widhi (Sang Hyang Tunggal) inggih punika pasanggahan (peséngan) Tuhan ring konsep Agama Hindu pamekasnyané manut krama Hindu ring Bali. Manut ring konsép Hinduisme puniki, Sang Hyang Widhi mapaiketan ring konsép Brahman. Tri Murti kawangun antuk tetiga kawisésan Brahman minakadi [[Déwa Brahma]] maduwémadué kawisésan Utpathi, [[Déwa Wisnu]] maduwémadué kawisésan Sthiti, Déwa Siwa maduwémadué kawisésan Pralina. Déwa Brahma maduwémadué sakti [[Déwi Saraswati]], masanjata Gada, aksaranyané ''''A'''<nowiki/>'. Déwa Wisnu maduwémadué sakti [[Déwi Laksmi]] utawi Déwi Sri, masanjata [[Cakra Sudarsana]], aksaranyané ''''U'''<nowiki/>'. Déwa Siwa maduwémadué sakti [[Déwi Durga]]/Uma/Parwati, masanjata Trisula, aksaranyané ''''M'''<nowiki/>'. Yéning tetiga aksara punika kagabungang, maka tetiga aksara punika dados '<nowiki/>'''AUM'''<nowiki/>' sané kawacén ''''OM'''<nowiki/>' ('''ॐ''') sané pinaka simbol suci Agama Hindu.<ref>http://www.mantrahindu.com/trimurti-om-ॐ-tiga-kekuatan-sang-hyang-widhi/</ref> Krama Bali precaya ring Tri Murti sané pinaka unteng sraddha (keyakinan). Yéning maosang indik Tri Murti pastika mapaiketan ring ajahan spiritual Agama Hindu sawiréh Déwa Tri Murti punika pinaka unteng déwa-déwa ring jajaran déwa sané kapercayain ring Bali.<ref>https://gamabali.com/makna-simbolik-trimurti-dalam-kehidupan/</ref>
