Juventus F.C.

Mal:Football club infobox Juventus Football Club S.p.A. (BIT: JUVE) (saking basa Latin: iuventus: masa yowana [juˈvɛntus]), taler kasengguh Juventus taler kasub antuk Juve (ucapannyané [ˈjuːve]), inggih punika sepak bola profesional saking Italia sané meneng ring kota Turin, Piemonte. Sekaa puniki kawentuk ring warsa 1897 antuk wasta Sport Club Juventus olih sekaa alit sané kantun masekolah ring kota Turin kapimpin olih Eugenio Canfari lan sametonnyané Enrico. Sekat bulan September 2011, dané meneng ring Juventus Stadium akéhnyané 41.507 genah malinggih. Stadion punika kawangun ring genah sané pateh sareng stadion ysadurungnyané, inggihnyané Stadion Delle Alpi, sané patut karubuhang anggen ngwangun Juventus Stadium.

Juventus pinaka sekaa kaping kalih sané pinih purwa ring Italia,sasampun Genoa kawentuk ring warsa 1893. Dané malomba ring liga divisi tpinih duur ring Italia duk warsa 1900, sasampun magentos aran dados Football Club Juventus. Dané nerus ring kompetisi pinih duur irika (sané nganggèn Serie A sekat warsa 1929), sajabaning warsa 2006–2007.

Duk tanggal 24 Juli 1923, direksi Juventus nuding Edoardo Agnelli, oka saking pendiri FIAT, pinaka presiden klub sané anyar. Sekat punika, Juventus kawangun olih kulawarga Agnelli. Niki sané ngawinang Juventus pinaka sekaa olahraga profesional kapertama ring negara punika. Saking tengahing warsa 1990-an, Juventus silih tunggil 10 sekaa sepak bola pinih sugih ring jagat malarapan antuk sisi nilai aset, pendapatan, dan keuntungan. Sekaa punika taler sampun ngranjing ring bursa saham Borsa Italiana sekat warsa 2001.

Kasub antuk Vecchia Signora, Juventus pinaka sekaa pinih suksés ring Italia taler ring jagat. Sekaa punika ngamolihang jayanti ring 36 gelar juara liga, 13 gelar Coppa Italia, lan kutus gelar Supercoppa Italiana. Sané lianan, sekaa punika ngamolihang kalih gelar Piala Interkontinental, kalih gelar Liga Champions, asiki gelar Piala Winners, tigang gelar Piala UEFA, asiki gelar Piala Intertoto, miwah kalih gelar Piala Super Eropa.