Tri Murti: Bina pantaraning révisi

Sang Hyang Widhi (Sang Hyang Tunggal) inggih punika pasanggahan (peséngan) Tuhan ring konsep Agama Hindu pamekasnyané manut krama Hindu ring Bali. Manut ring konsép Hinduisme puniki, Sang Hyang Widhi mapaiketan ring konsép Brahman. Tri Murti pinaka tetiga kasaktian miwah kawisésan Brahman (Sang Hyang Widhi) ring pariindikan Utpathi (makarya), Sthiti (ngupapira), Pralina (nglebur) jagat miwah sakancan dagingnyané sané maurip tur nenten maurip. Tri Murti kawangun antuk tetiga kawisésan Brahman minakadi Déwa Brahma maduwé kawisésan Utpathi, Déwa Wisnu maduwé kawisésan Sthiti, Déwa Siwa maduwé kawisésan Pralina. Déwa Brahma maduwé sakti Dewi Saraswati, masanjata Gada, aksaranyané 'A'. Déwa Wisnu maduwé sakti Dewi Laksmi utawi Sri, masanjata Cakra Sudarsana, aksaranyané 'U'. Déwa Siwa maduwé sakti Dewi Durga/Uma/Parwati, masanjata Trisula, aksaranyané 'M'. Yening katiga aksara punika kagabungin, maka tetiga aksara punika dados 'AUM' sane kawacén 'OM' (ॐ) sané pinaka simbol suci Agama Hindu. Krama Bali ngega (percaya) ring Tri Murti sané pinaka unteng sraddha (keyakinan).