Taman Nasional Désémbarco dél Granma: Bina pantaraning révisi
Ngardi kaca madaging "{{short description|Taman Nasional}} {{Infobox Protected area | name = Taman Nasional Désémbarco dél Granma | iucn_category = II | photo = Gran Parque Nacional Desembarco del Granma.jpg | photo_caption = Grobogan ring taman nasional | map = Kuba | map_caption = Genah ring Kuba | location = Kuba | nearest_city = Niquéro | embedded1 = {{designation list | embed=yes | designation1 = WHS | designation1_date = 1999 <small>(23rd World Her..." |
(Nénten mabina)
|
Uahan ri tatkala 16 Oktober 2021 01.09
Taman Nasional Désémbarco dél Granma (Spanyol: Parque Nacional Desembarco del Granma) silih tunggil taman nasional sané magenah ring sisi kelod kauh Kuba, ngapentang ring kotamadya Niquéro miwah Pilón sané mangkin ring Propinsi Granma.[1] Aran taman puniki maartos "Pandaratan Niang" miwah kasengguh ring yatch sané kaanggén olih Fidel Castro, Ché Guévara, Raúl Castro, miwah 79 parekan nyané malayar saking Méksiko nuju Kuba ring 1956 miwah dados pamatik Révolusi Kuba.[2] Taman Nasional kaloktah antuk topograpi karst miwah abing pasisi nyané.
Taman nasional jimbar total nyané 32.576 ha, kakepah antuk 26.180 ha téréstrial miwah 6.396 ha segara.[1] Ring warsa 1999, genah puniki kadaftarang UNESCO dados Situs Tetamian Gumi krana dasar segara munggah miwah abing segara sané kantun asri..[1]
Pidarta
Taman Nasional Désémbarco dél Granma magenah ring sisi kauh Pagunungan Siérra Maéstra, ngapentang ring wawengkon urip téktonik riantara Lémpéng Amerika Kalér miwah Lémpéng Karibia. Puniki ngalestariyang makudang téras batu kapur sané wénten ring sawatara 180 méter ring andap pamukaan segara ngantos 360 méter ring duur nyané.[1] Téras-téras minab kawentuk krana pamunggahan téktonik miwah tan kapastika nyané pamukaan ssegara mawinan pagentosan iklim ring aab sané riin miwah paristiwa glasiasi rikala Miosén, Pliosén, miwah Pleistosén.[2] Téras puniki rumasuk sané pinih ageng miwah kajaga becik ring guminé.[1] Siosan punika, taman puniki ngasaibin akéh paindikan karst liyanan rumasuk grobogan, abing, dolin, miwah gua.
Taman puniki magenah ring iklim semi-tuh sané angét, curah sabeh nyané riantara 300 miwah 1200 mm awarsa miwah rerata nyané 26°C. Punika ngadadosang silih tunggil wawengkon pinih anget miwah pinih tuh ring Kuba.[2]
Kaakéhan soroh kauripan
Taman nasional puniki madué kaakéhan soroh kauripan miwah éndemisme sané relatif tegeh. Langkung saking 512 spésiés éntikan sampun kaamatin ring taman, ring dija 60% nyané éndemik Kuba. Roras spésiés puniki wantah katemuin ring jero wates taman.[1] Puniki taler ngasaibin habitat 6 spésiés bekécot dicat ('Polymita' spp.), rumasuk makudang warih évolusioner sané masiosan. Tiga welas mamalia, 110 paksi, 44 réptil, miwah 17 amfibi sampun kacingakin ring taman.[2] Langkung saking 90% spésiés amfibi miwah réptil sané katemuin ring taman puniki pinaka éndemik Kuba, rumasuk kadal wengi Kuba sané kaancam punah.[1] Spésiés paksi residen rumasuk paksi béo Amazon Kuba miwah puyuh matendas pelung, taler spésiés mamalia sané idup ring taman rumasukManatee India Barat miwah Lelawah sekar Kuba, sané sampun ketah idup ring goa panés.[2]
Pustaka
Pranala jaba
Média kakait indik Taman Nasional Désémbarco dél Granma ring Wikimedia Commons