Anthony Sinisuka Ginting

Anthony Sinisuka Ginting (embas 20 Oktober 1996) inggih punika silih tunggil atlet bulu tangkis adiri putra saking sekaa SGS PLN Bandung, Indonésia. Ginting ngawitin préstasi saking SD tur dados jayanti ring kompetisi MILO School Competition kategori adiri putra SD ring warsa 2008. Ring warsa 2012, Anthony taler ngamolihang jayanti ring kompetisi sané pateh ring kategori adiri putra tingkat SMP.

Saking warsa 2013, Ginting ngawit ngamiletin kompetisi bulu tangkis sénior sakadi Indonesia Open Grand Prix Gold, Vietnam International Challenge, miwah Maldives International Challenge. Ring warsa 2014, Anthony nyarengin kejuaraan BWF World Junior Championships miwah ngrereh medali perunggu antuk nomor adiri putra. Malih awarsa, dané ngamolihang medali emas SEA Games ring nomor sekaa putra taler ring warsa 2019. Ring warsa pinih untat puniki, Ginting taler ngranjing pinaka silih tunggil atlet sané ngamolihang peringkat kalih ring Piala Sudirman. Sareng sekaa Indonésia dané taler ngamolihang jayanti Kejuaraan sekaa Bulu Tangkis Asia ring 2016, 2018, miwah 2020.

Ring warsa 2018, Ginting ngamolihang kalih medali pinaka pamilet Pésta Olahraga Asia 2018, pérak ring nomor sekaa putra miwah perunggu ring nomor adiri putra. Ring Olimpiade Musim Panas 2020, dané ngamolihang medali perunggu ring nomor adiri putra tur dados atlet pinih pertama ring cabang olahraga bulu tangkis sané ngamolihang medali ring Olimpiade. Ginting ngamoihang perunggu ring Olimpiade Remaja Musim Panas 2014.