Kodama

Kodama (basa Jepang: 木霊 utawi 木魂) inggih punika duwen taru sane kaparcaya olih krama saking gumi Jepang. Kocap Kodama puniki wantah urip sane nyeneng ring soang-soang taru sane wenten ring alas utawi abian Kewanten nenten samian taru madue duwe utawi ruh. Kejata tuah punyan-punyanan ane gede tur sampun tua sane madue Kodama puniki. Duwe-duwe puniki jagi nyaga alas tur abian saking parilaksana manusa sane kaon.

Lukisan Kodama olih Toriyama Sekien

Ringkesan

• Teges utawi artos Kodama puniki setata maubah-ubah saking riin, ngawit saking "dewa sane madue tugas nyaga alam" ngantos "kurcaci".
• Duwe taru puniki saking pertama kecatet ring "Kojiki" (babad sane nyeritayang gumi Jepang saking riin). Kocap duwe puniki embas saking Izanagi lan Izanami mawasta Wakunochi no Kami.
• Wenten sane percaya Kodama nenten nyeneng ring punyan asiki, nanging magingsir saking punyan kayu sane lianan ring alas.

Kodama dumun setara sareng dewa-dewi ring mitologi Jepang, nanging ngawit masa Edo, Kodama kagenahang setara sareng Yokai (hantu utawi monster Jepang) sane lianan. Wenten taler carita sane maosang Kodama nganten sareng anak sane tresnain ipun.

Legenda

Ring tengahing alas gunung ring Jepang, wantah akeh duwe-duwe utawi ruh-ruh taru sane mawasta Kodama. Ring galah sane sampun katentuang, ruh-ruh puniki jagi rame-rame nyaga napi ja sane wenten ring tengah alas. Kodama kapah pisan kacingak, nanging prasida kapireng, lumrahnyane marupa kilat gema. Rikala ngedengang rupanyane, ruh-ruh puniki ngambil wentuk sekadi bola-bola api saking doh, utawi wentuk sekadi kurcaci bentir. Urip Kodama puniki langsung mapaiketan sareng taru-taru ring dija ipun magenah, dadosnyane rikala Kodama punika padem, taru punika taler padem.