Kobér Portugal
Kobér nasional saking Républik Portugis inggih punika dwiwarna pesagi lantang antuk bidang sané kakepah dados ijo ring kérékan, lan barak ring layang. Soroh sané langkung alit saking lambang nasional saking Portugal (bola armillary lan taméng Portugis) mapusat ring baduur wates warna saking jarak sané pateh saking baduur lan sor pinggir. Penyajiannyané kamargiang ring tanggal 1 Désémber 1910, sesampun runtuhnyané monarki konstitusional ring tanggal 5 Oktober 1910. Nanging, wantah ring tanggal 30 Juni 1911, dékrit resmi sané ngresepang indiké puniki kobér pinaka kobér resmi sané sampun kamedalang. Kobér nasional anyar puniki antuk Républik Portugis Kapertama, kapilih olih komisi khusus sané anggotanyané rumasuk Columbano Bordalo Pinheiro, João Chagas lan Abel Botelho. Konjugasi warna widang wawu, kautama nganggén warna ijo, nénten tradisional saking komposisi kobér nasional Portugis lan ngawakilin pauwahan sané kainspirasi Républikan radikal sané megatin paiketan tekén kobér monarki sané dumun. Sasukat pamberontakan Républik ring 31 Januari 1891 gagal, barak lan ijo sampun kawangun pinaka warna Partai Républik Portugis lan gerakan sané mapaiketan, sané prominensi politiknyané ngalantur mentik ngantos aab puncak sesampun Révolusi Républik saking 5 Oktober 1910. Ring makudang-kudang dasawarsa salanturnyané, warna-warna puniki sampun kapropagandayang, warna ijo ngawakilin pangapti bangsa lan warna barak ngawakilin getih anaké sané ngabéla pati punika, puniki patut ngicenin ipun sentimén sané langkung patriotik lan mawibawa, mawinan punika kirang politik.
| |
| Aran | Bandeira das Quinas ('Kobér Lima’), Bandeira Verde-Rubra ('Kobér Ijo-Barak’) |
|---|---|
| Pemakaian | Kobér miwah kobér kapal nasional  
|
| Perbandingan | 2:3[1] |
| Kaanggen | 30 Juni 1911[2] |
| Rancangan | Dwiwarna 2:3 belang jegjeg saking ijo lan barak, antuk sané langkung alit lambang Portugal mapusat ring baduur wates warna |
| |
| Soroh Kobér Républik Portugis | |
| Pemakaian | Warna nasional unit militér |
| Perbandingan | 12:13 |
| Kaanggen | 30 June 1911 |
| Rancangan | Sakadi ring ajeng, nanging mawarna merata (1:1) tur antuk lambang sané pinih ageng, nyinahang gulungan putih antuk motto "Esta é a ditosa pátria minha amada" ("Iniki pertiwi rahayu sané tresnain titiang"), kaambil saking Os Lusíadas, III, 21, v. 1 |
Pustaka
uah- ↑ "flag of Portugal | Britannica". www.britannica.com (ring Inggris). Kaaksés 2022-08-31.
- ↑ "flag of Portugal | Britannica". www.britannica.com (ring Inggris). Kaaksés 2022-08-31.