Kawah Putih

Kawah Putih inggih punika silih tunggil objék wisata sané magenah ring Désa Alam Endah, Kecamatan Rancabali, Kabupatén Bandung, Jawa Barat. Kawah Putih magenah ring kaki Gunung Patuha. Kawah Putih marupa danu sané kawentuk saking letusan Gunung Patuha. Tanah sané macampur sareng belerang ring wewidangan kawah puniki mawarna putih, tur yéh ring kawah puniki mawarna putih gadang. Kawah puniki unik sawiréh yéhnyané mrasidayang mauwah warna.^[1]

Sejarah

Satuan indik Kawah Putih sampun wénten ring abad ka-10. Sadurungnyané wénten letusan gunung sané ageng. Sasampuné letusan punika, wénten kedis-kedis sané makeber ngliwatin Kawah Putih puniki mati. Nika mawinan, krama désané ngorahang kawah puniki tenget.^[2]

Kawah sané wénten ring puncak gunung punika ngwedar bau belérang sané nyengat tur ngawinang sarwa beburon mati.

Sasampun punika, drika taén kawangun pabrik belérang sané mawasta Zwavel Ontgining Kawah Putih. Pabrik punika kawangun ring masa kolonial Belanda. Ri tatkala Indonésia kajajah olih Jepang, pabrik punika kagentosin wastannyané dados Kawah Putih Kenzaka Gokoya Ciwidey.^[3]

Kawah Putih kadadosang genah wisata ring warsa 1987. Ri tatkala punika, Pemerintah Orde Baru saking PT Perhutani (Persero) Unit III Jawa Barat miwah Banten netepang Kawah Putih makadi genah wisata.^[4]

Referensi

↑ Riono Gedé Trisoko, dan Ryan Perdana Putra (2015). "Strategi Pengelolaan Danau KawahPutih Sebagai Objek Wisata di Kawasan Ciwidey oleh PT. Perhutani (Persero) Unit III Bandung". Daya Saing. 1 (2). Kaarsipin saking versi asli tanggal 2019-10-14. Kaaksés 2020-08-09.
↑ Maharani, Annisa Laila (2018). "Pesona Kawah Putih Sebagai Kawasan Wisata Alam di Bandung". Cite journal requires |journal= (help)
↑ "Misteri Domba Lukutan di Kawah Putih". news.okezone.com. 2013.
↑ "Wisata Kawah Putih Ciwidey, Objek Wisata Bandung Terpopuler". lokawisatabandung.com. 25 Agustus 2019. Kaarsipin saking versi asli tanggal 2021-06-17.

[1] Riono Gedé Trisoko, dan Ryan Perdana Putra (2015). "Strategi Pengelolaan Danau KawahPutih Sebagai Objek Wisata di Kawasan Ciwidey oleh PT. Perhutani (Persero) Unit III Bandung". Daya Saing. 1 (2). Kaarsipin saking versi asli tanggal 2019-10-14. Kaaksés 2020-08-09.

[2] Maharani, Annisa Laila (2018). "Pesona Kawah Putih Sebagai Kawasan Wisata Alam di Bandung". Cite journal requires |journal= (help)

[3] "Misteri Domba Lukutan di Kawah Putih". news.okezone.com. 2013.

[4] "Wisata Kawah Putih Ciwidey, Objek Wisata Bandung Terpopuler". lokawisatabandung.com. 25 Agustus 2019. Kaarsipin saking versi asli tanggal 2021-06-17.

[1]

[2]

[3]

[4]