Kakawin Ramayana

Kakawin Ramayana
Kakawin Ramayana
	Wikipustaka
Soroh	Itihasa miwah Kakawin
Basa(-basa)	Basa Kawi
Ukuran	cm x cm
Format	Kakawin
Aksara	Aksara Bali, aksara Jawa miwah Aksara Buda
Ngranjing Koleksi ring	Museum Mpu Tantular, Sésétan, Balai Bahasa Bali miwah Perpustakaan Nasional Republik Indonesia
Klasifikasi Gedong Kirtya	Itihasa

Kakawin Rāmāyaṇa (Bali: kakawinrāmāyaṇa) silih tunggil kakawin madaging carita Ramayana. Kasurat ring rupa tembang mabahasa Jawi Kuna, dahat kanikayang kakawi daweg Krajaan Medang^[1]^:128 ring aab pameréntahan Dyah Balitung sawatara warsa 820-832 Saka utawi sawatara 870 M. Kakawin puniki kasengguh pinaka adikakawin krana kanikayang sané kapertama, pinih lantang, miwah pinih ngulangunin mawit gaya basa nyané saking aab Hindu-Jawa.

Kalih lempir lontar kakawin Ramayana sané pinih kuna, mangkin kasineb ring Kapustakaan Nasional R.I. Lontar puniki kacunduk saking pagunungan Merapi-Merbabu (kaloktah Koléksi Merapi Merbabu), Jawa Tengah saking abad ka-16 M.

Saking indik carita, Kakawin Ramayana matiosan sareng Ramayana karya Walmiki. Ring ungkur carita mawit kakawian Walmiki, saparauh Rama miwah Sita ring Ayodya, dané mapalasan malih, dadosné Rama miwah Sita nénten nyeneng sareng-sareng. Asapunika mawit kakawian puniki, Rama miwah Sita nyeneng sareng-sareng ring Ayodya.

Ringkesan Carita

Prabu Dasarata saking kraton Ayodhya madue putra petang diri inggih punika ; Rama, Bharata, Laksmana miwah Satrughna. Kocap wenten resi mapesengan Wiswamitra nunas tulung sareng Prabu Dasarata mangda patapan dane nenten kausak-asik malih olih para raksasa. Punika mawinan Rama miwah Laksmana sane kautus mrika.

Ring patapan punika, Rama miwah Laksamana prasida ngalahang para raksasa. Selanturnyane sareng kalih lunga ka kraton Mithila sane sedek ngadaang sayembara. Sira sane menang pacang ngamolihang putri Sang Prabhu irika sane mapesengan Sita. Para pamilet sayembara punika katunden metatang busur panah sane ngiringang Sita duk dane embas. Asiki nenten wenten sane prasida metatang busur punika sajabaning Rama. Punika mawinan Rama sane menang tur prasida ngamolihang Sita. Sareng kalih raris alaki rabi tur selanturnyane mawali ka Ayodya.

Pustaka

↑ Coedès, George (1968). Walter F. Vella (ed.). The Indianized States of Southeast Asia. trans.Susan Brown Cowing. University of Hawaii Press. ISBN 978-0-8248-0368-1.

[Coedes-1] Coedès, George (1968). Walter F. Vella (ed.). The Indianized States of Southeast Asia. trans.Susan Brown Cowing. University of Hawaii Press. ISBN 978-0-8248-0368-1.

[1]