Kakawin Bhāratayuddha

Kakawin Bhāratayuddha inggih punika kakawin sané nyaritayang indik peperangan Korawa miwah Pandawa. Kakawin puniki kasurat ring warsa sanga-kuda-śuddha-candramā. Sangkala punika warsa 1079 Saka utawi 1157 masehi ring pamerintahan Prabu Jayabaya. Kakawin puniki puput kasurat ring tanggal 6 November 1157.

Kakawin Bharatayudha
Wikipustaka
Aran liyanan	Bhāratayuddha, kakawin·​bhāratayudḍa miwah kakawinbharaṭayudha.
Soroh	Itihasa
Kawedar kapertama ring	Krajan Kahuripan
Basa(-basa)	Basa Kawi
Pangawi	Empu Sedah miwah Empu Panuluh
Lakaran	don ental
Ukuran	47,5, 43 miwah 32 cm x 3,5, 3 miwah 4 cm
Aksara	Aksara Bali miwah aksara Jawa
Lempir	72, 30 miwah 7
Ngranjing Koleksi ring	Kapustakaan Kantor Dokuméntasi Budaya Bali, Désa Sukawati, Tojan, Balai Bahasa Bali miwah Museum Pustaka Lontar
Klasifikasi Gedong Kirtya	Itihasa

Pangawi

Kakawin puniki kaubah olih kalih pangawi inggih punika Mpu Sedah miwah Mpu Panuluh. Pahan carita saking kawéntenan Prabu Salya ngantos ka medan perang inggih Mpu Sedah, salanturnyane inggih punika kakaryanin olih Mpu Panuluh. Kacritayang Mpu Sedah kayun nyaritayang kejegegan Dewi Satyawati. Ida ngrereh imba, nika mawinan putri prabu Jayabaya ngicenin. Nanging Mpu Sedah maparilaksana sané nenten patut, nika mawinan Ida kahukum tur sané kakaryanin kaicenang majeng ring anak lianan. Sasampun punika, sané kakaryanin olih Mpu Sedah pacang puput ngantos carita Sang Prabu Salya sané pacang luas ka medan perang, nanging nenten prasida nglanturang. Nika mawinan Mpu Panuluh sané nglanturang ngantos kakawin Bharatayuddha punika puput.