Juuk Linglang

Juuk linglang inggih punika juuk mitologi sané kocap wénten ring niskala. Juuk puniki kapracayanin sida nambanin sakancan panyungkan non-medis. Nanging nénten sami anak sida nyingakin juuké niki, wantah anak sané kapilih sané sida nyingakin tur ngamolihang punyan juuk niskalané niki. Ngantos mangkin kawéntenan juuk linglang kantun kacaritayang, silih tunggilnyané ring sajeroning sejarah Pura Ér Jeruk sané kocap dumun toya saking buah juuk puniki kainum olih Rsi Makandeya punika taler pangiring Ida sami rikala ngabas Alas Angker Payangan.