Joglo

Umah Joglo inggih punika simbol sane nyihnayang status sosial parajana Jawa jamane dumun. Inggihan ketah kauningin pinaka umah krama Jawa, sakewanten nenten makasami parajana ring Jawa prasida ngwangun umah punika. Punika sangkaning bahan sane kanggen ngwangun Umah Joglo nganggen kayu jati sane kualitasnyane dahat becik miwah ajinnyane maal. Tiosan punika, ngwangun Umah Joglo prasida akeh pisan nelasang biaya. Punika mawinan dumun wantah para raja utawi anak sugih kemanten sane prasida ngwangun Umah Joglo. ^[1]

Joglo ento umah adat wong Jawa ané majujuk di baduur 4 adegan utama.^[2] Kruna "joglo" nujuang ka goban raabné. Raab magoba joglo nyidayang kaanggon di umah ketah wiadin di pendopo.^[3] Umah Joglo ketahné mapaiketan ajak warga ménak.

Umah adat Jawa kakepah dua dadi umah induk maimbuh umah ané lénan. Umah induk kawentuk uli pahan liu:

Wagian Umah uah

Pendopo, Pahan ené ada di arepan umah. Ketahné kaanggon antuk aktivitas formal, buka sangkepan, balih-balihan igelan muah wayang kulit, masih upakara adat.
Pringitan, Pahan ené matongos di pantarané pendopo muah umah njero. Pringitan sai kaanggon antuk balih-balihan wayang kulit.
Emperan, Emperan linggahné kuang-lebih 2 méter tur kaanggon antuk nerima tamiu muah tongos marérén. Di emperan ketahné ada apasang korsi kayu muah méja.
Omah njero, Pahan ené sai kasambat omah mburi (umah duri), dalem ageng wiadin omah dogén.
Senthong-kiwa, Matongos di samping tengen tur kawentuk uli rong liu. Ada ané matetujon dadi rong mécok, gudang, tongos nyimpen dedaaran muah barang ané lénan.
Senthong tengah, Pahan ené matongos di tengahné pahan njero. Sai masih kasambat pedaringan, boma, wiadin krobongan. Tetujonné ento dadi tongos nyimpen barang-barang maaji, buka keris.
Senthong-tengen, Pahan ené patuh ajak Senthong kébot, unduk tetujonné tur masih pilpilan rongné.
Gandhok, Gandhok ento bangunan imbuh ané ngiderin sisi duri muah samping bangunané jatu.

Soroh Joglo uah

Joglo ceblokan
Joglo kepuhan limolasan
Joglo lambangsari
Joglo kepuhan lawakan
Joglo kepuhan awitan
Joglo wantah apitan
Joglo Limasan Lawakan (wiadin “Joglo Lawakan”).
Joglo Sinom (Sinom Apitan)
Joglo Jompongan (Jompongan Pokok)
Joglo Pangrawit
Joglo Mangkurat
Joglo Hageng
Joglo Semar Tinandhu
Joglo Jepara
Joglo Kudus
Joglo Pati
Joglo Rembang

Pustaka uah

↑ Cinta. "Rumah Adat Banten - Badui | Rumah Adat Indonesia". Kaaksés 2023-02-11.
↑ Olivier Johannes, Raap (29 Méi 2017). Kota Di Djawa Tempo Doeloe. Kepustakaan Populer Gramedia. hlm. 142. ISBN 9786024243616
↑ Heinz., Frick, (1997). Pola struktural dan teknik bangunan di Indonésia : suatu pendekatan arsitektur Indonésia melalui pattern language secara konstruktif dengan contoh arsitektur Jawa Tengah. Yogyakarta: Penerbit Kanisius. ISBN 9794979465 OCLC 636808760

[1] Cinta. "Rumah Adat Banten - Badui | Rumah Adat Indonesia". Kaaksés 2023-02-11.

[2] Olivier Johannes, Raap (29 Méi 2017). Kota Di Djawa Tempo Doeloe. Kepustakaan Populer Gramedia. hlm. 142. ISBN 9786024243616

[3] Heinz., Frick, (1997). Pola struktural dan teknik bangunan di Indonésia : suatu pendekatan arsitektur Indonésia melalui pattern language secara konstruktif dengan contoh arsitektur Jawa Tengah. Yogyakarta: Penerbit Kanisius. ISBN 9794979465 OCLC 636808760

[1]

[2]

[3]