Jineng

Jineng inggih punika wastan silih tunggil lumbung sane wenten ring bali, wewangunan jineng puniki maduwe saka sane akehnyane papat, kawentuk kotak utawi segi empat, taler raapnyane kewentuk pelana lengkung. Jineng kepah manados kalih tingkat inggih punika, ring tingkat sane duuran kaange pinaka genah asil sawah utawi asil manyi lan sane betenan pinaka bale sang sane nuwenan jineng.

Gambar denah kompleks rumah tradisional di Bali. Dari gerbang masuk, tampak jineng (nomor 8) berada pada bagian sudut belakang di kanan kompleks. Legenda: 1) Natah. 2) Sanggah Kemulan. 3) Bale daja atau menten. 4) Bale dangin atau sikepat. 5) Bale dauh atau tiang sanga. 6) Bale delod atau sekenam . 7) Paon (dapur). 8) Lumbung (Jineng). 9) Kandang babi. 10) Lawang. 11) Aling-aling. 12) Sanggah pengijeng karang

Jineng Bali

Genah Jineng

Ketahnyane wewangunan jineng puniki magenah nampek ring wewangunan paon, kawentenan puniki matatujon mangda bale jineng punika sida kaangge taler ri sajeroning genah makarya dedaran.

Ring Asta Kosala Kosali wewangunan jinang punika sapatutnyane kawangun utawi kagenahang ring sisi kelod utawi kelod kauh pakarangan umah, taler yening karerehang ring sanga mandala jineng puniki maduwe genah ring madyaning utawi nistaning nista.

Kawigunan Jineng

Genah Padi

Genah nyimpen padi, jineng patut kahalangin saking udan miwah beseg. Wentuk raab jineng sane madue songgeng ane dalem ngalangin saking udan. Tongos kosong di beten jineng taler mawiguna dados ngirangin mangda nenten beseg.[2]

Jineng taler mawiguna ring spiritual sane nenten lempas saking budaya krama Bali. Jineng mawigina pinaka genah mamuja Dewi Sri pinaka pralambang dewi kasukertan olih krama Hindu Bali

Nyaga Saking Hama

Anggen nyaga gabah saking bikul. Jineng madue langki utawi prarai saka ngawi bikul sukil menek ka tengah jineng. Genahnyane ane tegeh taler ngalangin padi sane kasimpen saking makudang-kudang buron paumahan (mrana).

Genah Mekarya

Genah jineng sane kadampingin antuk pewaregan wantah kaanggen genah paimbuh rikala makarya ring pewaregan. Rianan punika, jineng taler dados kaanggen genah masandekan olih sang sane druenin umah punika utawi tamiu, tur kaanggen genah majejaitan sane dados parikrama krama Bali.