Ismail Marzuki

Ismail Marzuki inggih punika silih tunggil pangawi gending sané kasub ring Indonésia. Dané embas ring tangga; 11 Méi 1914 tur séda ring tangga; 25 Méi tangga; 1958). Wastannyané ring galah puniki kadadosang wasta saking silih tunggil pusat seni ring Jakarta inggih punika Taman Ismail Marzuki (TIM) sané magenah ring wewengkon Cikini, Jakarta Pusat.

Ismail Marzuki

Kauripan

Ismail Marzuki embas ngantos kelih ring Jakarta, tur saking kulawarga Betawi. Wasta sujatinnyané inggih punika Ismail, tur ajinnyané mawasta Marzuki. Nika mawinan wastan jangkepnyané dados Ismail bin Marzuki. Nanging, akéh anak sané manggil dané Ismail Marzuki. Timpal-timpalnyané ketah manggil dané Mail, Maing, utawi Bang Maing. Dané embas ring Kampung Kwitang, ring Kecamatan Senén, wewengkon Jakarta Pusat. Tigang bulan sasampun Ismail embas, ibunnyané ngalahin. Sadurungnyané dané taler katinggalin olih kalih belin dané sané mawasta Yusuf sareng Yakup, sané ngalahin ri tatkala kaembasang. Salanturnyané dané meneng sareng aji miwah mbok dané sané mawasta Hamidah, sané yusannyané roras warsa kelihan saking Ismail.

Lelintihan ngaryanin gending

Ismail Marzuki ngawit ngaryanin gending ring yusa pitulas tiban. Sané kapertama dané ngaryanin gending 'O Sarinah' ring warsa 1931. Ismail seneng ring bidang seni, nika mawina ring warsa 1936, dané ngranjing ring pupulan orkés gending Lief Java daos pemain gitar, saxophone, miwah harmonium pompa. Ring warsa 1940, Ismail Marzuki mawiwaha sareng Eulis Zuraidah, primadona saking klub gending sané wénten ring Banding, Ismail taler ngranjing ring klub punika. Ismail taler istrinnyané ngadopsi anak cerik sané mawasta Rachmi, sané sujatinnyané keponakan saking Eulis.

Ring galah penjajahan Jepang, Ismaul Marzuki taler sareng ring orkéstra radio ring Hozo Kanri Keyku Radio Militer Jepang. Ritatkala kapendudukan Jepang sampun puput, Ismail tetep sareng ring siaran gending ring RRI. Salanturnyané ri tatkala RRI malih kakuasain olih Belanda ring warsa 1947, Ismail Marzuki nénten arsa antuk kerja sama sareng Belanda, nika mawinan dané nénten ngranjing malih ring RRI. Ismail ngranjing ring RRI malih ri tatkala RRI sampun karebut olih Indonésia. Salanturnyané dané polih kehormatan dados pamimpin Orkés Studio Jakarta. Ring galah punika dané ngaryanin gending Pemilihan Umum tur kapirengang kaping pertama ring Pemilu 1955. Makudang-kudang gending sané sampun kakaryanin olih Ismail Marzuki, inggih punika:

• Ring warsa 1931, Ismail kaping pertama ngaryanin gending sané mamurda Oh Sarinah sané syairnyané saking basa Belanda
• Ring warsa 1935, ri tatkala mayusa 21 warsa, dané ngaryanin gending keroncong sané mamurda Keroncong Serenata
• Ring warsa 1936, dané ngaryanin gending sané mamurda Roselani, sané romantis tur nyritayang indik suasana ring Hawai, Samudra Pasifik
• Ring warsa1937, wénten gending-gending sané mawit saking 'Hikayat 1001 Malam', murda gending punika Kasim Baba. Gending punika kakaryanin ri tatkala mayusa 23 warsa, tur ngaryanin gubahan keroncong sané mamurda Keroncong Sejati
• Ring warsa 1938, dané nagingin gending pilem sané mamurda 'Terang Bulan'. Ring pilem punika wénten tigang gending inggih punika ulau Saweba, Di Tepi Laut, miwah Duduk Termenung. Pilem puniki kapraginain olih Miss Roekiah, Kartolo, Raden Mochtar, miwah sané lianan. Ismail taler sareng ring pilem punika, dados pragina sané seneng main musik sareng timpal-timpalnyané. Pilem puniki kaputer ring Malaya.
• Ring warsa 1939, dané ngaryanin kutus gending, kalih gending mabasa Belanda, inggih punika Als de Ovehedeen dan Als’t Méis is in de tropen. Gending sané mabasa Indonésia inggih punika Bapak Kromo, Bandanéira, Olee lee di Kutaraja, Rindu Malam, Lenggang Bandung, Melancong ke Bali. Ring galah puniki Ismail durung ngaryanin gending perjuangan.

Karya ring gending Indonésia

Gending sané pinih kasub sané kakaryanin olih Ismail Marzuki inggih punika Rayuan Pulau Kelapa sané kaanggén dados gending pamuput ring siaran stasiun TVRI ring galah pamerintahan Orde Baru. Ismail molihang anugrah penghormatan ring warsa 1986 inggih punika Taman Ismail Marzuki, silih tunggil taman miwah pusat kebudayaan ring Salémba, Jakarta Pusat. Ring warsa 2004, dané kadadosang tokoh pahlawan nasional Indonésia.

Gending sané sampun kakaryanin

• Panon Hideung
• Aryati
• Gugur Bunga
• Melati di Tapal Batas (1947)
• Wanita
• Rayuan Pulau Kelapa
• Sepasang Mata Bola (1946)
• Bandung Selatan di Waktu Malam (1948)
• O Sarinah (1931)
• Keroncong Serenata
• Ibu Pertiwi
• Kasim Baba
• Hari Lebaran
• Halo, Halo Bandung
• Bandanéira
• Lenggang Bandung
• Sampul Surat
• Karangan Bunga dari Selatan
• Selamat Datang Pahlawan Muda (1949)
• Juwita Malam
• Sabda Alam
• Roselani
• Rindu Lukisan
• Indonésia Pusaka