I Wayan Wésta

I Wayan Wésta (embas ring Klungkung, 27 Januari 1965;yusa 59) inggih punika silih tunggil pangawi miwah budayawan Bali sané ngamolihang hadiah Sastra Rancagé warsa 2014 antuk cakepannyané sané mamurda “Tutur Bali” (2013). Dané tamatan FKIP Universitas Dwijéndra Dénpasar, Jurusan Pendidikan Bahasa miwah Sastra Bali. Ring warsa 1989-1993, dané dados guru ring SLUA Saraswati Klungkung, miwah dosén ring makudang-kudang perguruan tinggi swasta.

I Wayan Wésta
Embas27 Januari 1965
Klungkung, Bali
MabangsaIndonésia
Pakaryanguru miwah dosén
Kauninginpangawi sastra Bali

Ring warsa 1999, dané naanin makarya ring The Ford Foundation, dados redaktur Majalah Gumi Bali SARAD warsa 2000-2009, miwah warsa 2010-2012 dados Pemimpin Redaksi Majalah SABDA. Kakawian-kakawian dané naanin kamuat ring makudang-kudang média massa, minkadi Mingguan Karya Bhakti, Harian Nusa, Bali Post, Kompas, Pos Bali, miwah Radar Bali.

Sasuratan uah

Dané dados penyunting makudang-kudang cakepan sané kawedar Yayasan Obor Indonésia, inggih punika:

  • Wulan Sedhuwuring Geni (Antologi cerpén miwah puisi daérah)
  • Seribu Kunang-Kunang di Manhattan (Terjemahan ring 13 basa daérah)
  • Sunari (Novél Basa Bali kakawian Ketut Rida)
  • Rabindranath Tagoré, Puisi Sepanjang Zaman, Penerbit Yayasan Darma Sastra, 2002.
  • "Tutur Bali", Deva Charity Rijnlaan, 2013[1]
  • "Bali Spirit", Pustaka Larasan, 2014[2]

Dané taler naanin dados pembicara ring Sandyakala Sastra #39 Wayan Westa: Nasionalisme Dan Pemuliaan Bahasa Daérah tanggal 14 Maret 2014 miwah Sandyakala Sastra #43 Obituari I Wayan Sadha tanggal 12 Maret 2015 ring Bentara Budaya Bali. Sampun ngamedalang cakepan “Tutur Bali” miwah “Bali Spirit”.[3]

Pustaka uah

  1. Westa, I Wayan (2013). Tutur Bali (édisi ka-Cetakan I: Denpasar, Bali, Juni 2013). Denpasar, Bali. ISBN 978-979-96260-7-3. OCLC 926048351.
  2. Westa, I. Wayan (2014). Bali spirit (ring Indonesia). Pustaka Larasan. ISBN 978-602-1586-11-2.
  3. "Profil I Wayan Wésta". SuaraSakingBali.com. Pébruari 2016. Kaaksés 9 Pébruari 2020.

Pranala jaba uah