I Nyoman Nuarta
Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
I Nyoman Nuarta (embas ring Tabanan, 14 Novémber 1951) inggih punika undagi togog sané mawit saking Bali miwah silih tunggil pelopor Gerakan Seni Rupa Anyar (1976). Ida kadadosang anak sané pinih kasub riantukan mahakaryanné, sakadi Togog Garuda Wisnu Kencana ring Badung, Monumén Jalasveva Jayamahe ring Surabaya miwah Monumén Proklamasi Indonésia ring Jakarta. Nyoman Nuarta ngamolihang pepasih sarjana seni rupané saking Institut Téknologi Bandung tur ngantos sané mangkin meneng ring Bandung.[1]
I Nyoman Nuarta inggih punika pianak sané kaping nem saking sia diri pianakné Wirdjamidjana miwah Samudra. Ida ngamolihang pangajahan saking pamannyané, Ketut Dharma Susila, guru seni rupa.[2]
Pangajahan uah
Nyoman Nuarta ngranjing ring Institut Téknologi Bandung duk warsa 1972. Ring pangawit, Nuarta milih jurusan seni lukis, sakéwanten sasampun kalih warsa idané magingsir ka jurusan seni patung. Ritatkala ida kantun dados mahasisya, ring warsa 1979 Nyoman Nuarta ngamolihang jayanti Lomba Patung Proklamator Républik Indonésia. Sareng taler seni sakadi pelukis Hardi, Dede Eri Supria, Harsono miwah kritikus seni Jim Supangkat, Nyoman Nuarta ngawitin Gerakan Seni Rupa Baru ring Indonésia daweg warsa 1977.
Karir uah
I Nyoman Nuarta sampun ngasilang langkung saking satus karya seni togog. Karyané sami inggih punika seni togog modérn miwah naturalistik, miwah matéri sané kaanggén inggih punika temaga miwah kuningan.
Nuarta sampun ngawangun Taman Patung, sané mawasta NuArt Sculpture Park, ring kelurahan Sarijadi, Bandung. Ring genahé punika wénten makudang-kudang togog antuk makudang-kudang gagulak, miwah bangunan tumpang papat sané kaanggén anggén paméran.
Mahakarya uah
Ring warsa 1993 I Nyoman Nuarta makarya monumén raksasa mawasta Jalesveva Jayamahe, sané taler ngantos rahinané mangkin wénten ring Dermaga Ujung Madura, Komando Armada Républik Indonésia Kawasan Timur (Koarmatim) Kota Surabaya. Monumén punika ngambarang Perwira TNI Angkatan Laut mabusana Pakaian Dinas Upacara (PDU). Duurné monumén punika 60,6 méter.
Karyané Nyoman Nuarta sané pinih ageng miwah maambisi inggih punika Monumén Garuda Wisnu Kencana (GWK) sané kakawitang daweg 8 Juni 1997 miwah karesmiang ring tanggal 22 Séptémber 2018 olih Présidén RI Joko Widodo. Duurné togog GWK ipun 75 méter miwah duurné pedestal 60 méter; punika mawinan duurné monumén sané jangkep 126 méter.[3]
Pustaka uah
- ↑ "Curriculum Vitae". nuarta.com.
- ↑ "Pembuat Patung Garuda Wisnu Kencana". tokoh.id.[permanent dead link]
- ↑ "Pembangunan GWK Dilanjutkan Kembali". kompas.com.