HarmoniA Band

HarmoniA Band inggih punika silih tunggil grup musik sané wénten ring Bali. Grup band puniki wantah grup band musik indie sané kawentuk warsa 2016 ring Dénpasar. Anggota HarmoniA Band inggih punika Dewa Gedé Krisna (gitar & vokal), Dodit (lead gitar), Wahyu Katak (kajon/drum & vokal), miwah Tude (Bass). Patpat anggota punika wantah anggota UKM musik. Kawéntenan grup puniki ri tatkala wénten acara bazzar tur grup puniki dados bintang tamu irika. Huruf A ring wastan HarmoniA nyihnayang angka 4 sané madué artos jumlah anggota band sané patpat. Ngantos mangkin, HarmoniA Band sampun madué kalih album.

Anggota Band

• Déwa Gedé Éka Krisna Prandana, pinaka gitar miwah vokalis. Dané puniki sané ngwentuk HarmoniA Band. Dané embas ring Gianyar ring pinanggal 12 Januari 1996.
• I Gedé Putu Wahyu Sukma Dinata utawi sané akrab kapanggil Wahyu Katak pinaka pemain kajon miwah vokalis. I Gedé Putu Wahyu Sukma Dinata embas ring Tabanan, 16 Méi 1997.
• I Wayan Dodit Budi Raditya pinaka gitaris ring HarmoniA Band. I Wayan Dodit Budi Raditya embas ring Gianyar, ring 20 Méi 1996.
• Putu Gedé Yos Pradika utawi sané akrab kapanggil Tudé pinaka bass ring HarmoniA Band. Putu Gedé Yos Pradika embas ring Gianyar, 23 juni 1996.