Gunung Prahu
Gunung Prahu inggih punika gunung sané magenah ring wewengkon Dataran Tinggi Dieng, Jawa Tengah, Indonésia. Gunung Prahu magenah ring koordinat 7°11′13″S 109°55′22″E. Gunung puniki tegehnyane sawatara 2590 mdpl. Gunung Prahu dados wates antuk patpat kabupatén, inggih punika Kabupatén Batang, Kabupatén Kendal, Kabupatén Temanggung, miwah Kabupatén Wonosobo. Puncak Gunung Prahu marupa padang rumput sané linggah tur lantangnyane saking kaja ngantos kangin. Ring puncak Gunuh Prahu wénten bukit-bukit sané alit, sabana, tur wénten taler punyan-punyanan. Gunung Prahu dados puncak sané pinih tegeh ring wewengkon Dataran Tinggi Dieng, tur wénten makudang-kudang puncak sané langkungan tegehnyane, sakadi Gunung Sipandu, Gunung Pangamun-amun, dan Gunung Juranggrawah. Gunung puniki dados silih tunggil genah wisata alam sané utama ring wewengkon Dieng.[1]
| Gunung Prahu | |
|---|---|
 | |
 | |
| Titik pinih duur | |
| Tegeh | 2.590 m (8.497 kaki) |
| Koordinat | 7°06′41″S 109°33′08″E / 7.1113°S 109.5522°E |
| Géograpi | |
| Genah | Kabupatén Batang Kendal—Wonosobo, Jawa Tengah, Indonésia |
Buron miwah Entik-entikan uah
Ring alas Gunung Prahu sané marep ka Kendal miwah Batang kantun bet. Irika wénten kantong semar (itcher plants) endemik Jawa inggih punika Nepenthes gymnamphora sané akeh mentik sareng punyan pakis resam (Glichenia linearis). Ring puncak gunung punika wénten kembang Edelweis Jawa (Anaphalis maxima miwah Anaphalis longifolia). Ring wewengkon alas Gunung Prahu taler wénten buron khas Jawa sakadi macan tutul jawa (Panthera pardus melas), sigung jawa (Mydaus javanensis) miwah gruda (Nisaetus bastelsi).
Marga antuk Mendaki uah
Wenten nem jalur umum sané ketah kaliwatin yéning lakar ka Gunung Prahu, inggih punika:
- Jalur Dieng, Kalilembu, miwah Patakbanteng, Kejajar, Wonosobo (saking arah kelod kauh utawi kelod)
- Jalur Igirmranak, Kejajar, Wonosobo (saking arah kelod kangin)
- Jalur Kenjuran, Sukorejo, Kendal (saking arah kangin)
- Jalur Pranten, Bawang, Kabupatén Batang (saking arah kaja kauh)
- Jalur Wates, Temanggung (saking arah kelod kangin)
- Jalur Ngelak, Batang (saking arah kaja utawi kalér)
Pustaka uah
- ↑ "Pesona Keindahan Gunung Prau dengan Bukit Teletubbiesnya". Indonésia Kaya. Kaaksés 2021-04-10.