Girls' Generation (소녀시대; Sonyeo Shidae) inggih punika silih situnggil girlband saking Koréa Selatan sané kawentuk olih S.M. Entertainment ring warsa 2007.[1] Girl's Generation taler kasub mawasta SNSD utawi SoShi (소시) sané marupa singkatan saking wasta grup puniki ring basa Koréa. Wénten kutus personil ring Girl' Generetion inggih punika Taeyeon, Sunny, Tiffany, Hyoyeon, Yuri, Sooyoung, Yoona, miwah Seohyun. Ring tanggal 30 Septémber 2014, S.M. Entertainment nyobyahang indik Jessica nénten malih ngranjing ring grup punika. Girl' Generetion kasub krana nyobyahang gending sané mamurda "Into the New World" miwah "Kissing You". Grup puniki malih ngasubang ring warsa 2009 krana gending sané mamurda "Gee". Gending salanturnyané sané kasobyahang inggih punika "Tell Me Your Wish (Genie)", "Oh!, "Run Devil Run", miwah "Hoot". Ring warsa 2011 Girl' Generation nglimbakang gending sané mamurda "The Boys" sané kagendingan ring tigang basa inggih punika basa Koréa, basa Jepang, miwah basa Inggris. Grup puniki prasida ngadil 4.4 yuta album miwah 30 yuta single digital ring limang tahun debutnyané. Grup puniki kadadosang "The Nation's Singers" miwah "The Nation's Girl Group". Asian Today manadosang grup punika dados peringkat petang dasa pat ring pupulan 50 Korean Power Leaders ring warsa 2011.

Girls' Generation

PustakaSunting

  1. "Spotlight: Girls' Generation sets their sights on taking America with 'The Boys'". Toyazworld. Diakses tanggal 25 Desember 2019.