Geguritan Ambarpati

Geguritan Ambarpati inggih punika silih tunggil kekawian sané nganggén nganggén Basa Bali tur kasusun antuk makudang-kudang pupuh minakadi pupuh smarandana, dandang gula, taler pupuh mas kumambang. Geguritan Ambarpati kasurat marupa lontar sané ring pangawit geguritan pangawi ngawitin antuk bhismilah iraḥman irāhim raris madaging pangawit indik Sang madeg nata sané kabaos Sang ratu ring nusantara sané madué putra kakalih tur mijilnyane kembar buncing.

Geguritan Ambarpati
Wikipustaka
Soroh	Gaguritan
Kawedar kapertama ring	Sidemen
Basa(-basa)	Basa Kawi
Lakaran	Lontar
Ukuran	40 cm x cm
Aksara	Aksara Bali
Lempir	75
Ngranjing Koleksi ring	Kapustakaan Kantor Dokuméntasi Budaya Bali
Klasifikasi Gedong Kirtya	Itihasa

Reringkesan Carita

Kacritayang Sang madeg nata, Sang ratu ring Nusantara madrebe putra buncing, sané duuran, okane istri jegeg pisan. Sane alitan, lanang bagus apekik. Kacrita, ri kala sang kalih mayusa abulan pitung rahina, nadaksara, jagate kadi uug. Sabeh peteng lemah masanding sareng kelep tatit tur linuh magejeran. Kawéntenan jagate kadi punika kabaosang riantukan Sang nata madué oka buncing. Sang Kalih patut kapasahang mangda jagate mawali kadi jati mula. Punika wangsit sané katrima oleh Sang Patih. Punika mawinan, raris Sang Mahapatih tangkil ring Sang Prabu, maosang indik kabrebehan jagat riantukan ida maoka kembar. Ida Sang Patih matur, yéning ida polih pawisik, jagate sabeh, ktug mageluran tatit kadi punika sangkaning Sang prabu madué oka kembar, yéning nenten kakutang asiki, punika jagi ngawinang jagate uug. Sang prabhu sungsut ring manah mirengang atur Sang Patih. Raris ida nganikain mangda Raden Dewi utawi okanne sané istri sané jagi kakutang. Wawu mabaos kadi punika, nadaksara galang maglanaran jagate, Ketug tatit miwah ujan ical. Irika raris Raden Dewi kaungsiang doh saking panegarannyane.

Pustaka