Gambus

Gambus inggih punika alat musik petik minakadi mandolin sane wit saking Timur Tengah. Pinih kidik gambus kapasang 3 senar rauh pinih akeh 12 senar. Gambus kabaktayang sambil kairing gendang. Orkes nganggen alat musik utama marupa gambus sane kabaos orkes gambus utawi kabaos gambus kemanten. Ring TVRI miwah RRI, orkes gambus polih ngamaktayang acara irama padang pasir. Orkes gambus ngiringin tari Zapin miwah Tari Jepen sane makasami kabaktayang olih anak lanang pinaka tari pergaulan. Lagu sane kabaktayang mairama Timur Tengah. Tema liriknyane inggih punika kaagaman. Alat musiknyane minakadi biola, gendang, tabla, miwah suling. Mangkin, orkes gambus manados druen krama Betawi miwah akeh ngundang ring pesta sunatan miwah pawiwahan. Lirik tembangnyane mabasa Arab, dagingnyane ketah madaging doa utawi shawalat. Perintis orkes gambus ingih punika Syech Albar, miwah orkes gambus sane kaloktah inggih punika orkes gambus El-Surayya saking kota Medan sane kapimpin olih Ahmad Baqi.

Lelintihan Gambus ring Kalimantan

Ngranjing gammbus ring Kalimantan inggih punika malarapan kelompok masyarakat sane wit saking Kerajaan Brunei Darussalam miwah masyarakat Melayu Sanggau tiosan sane ring masa punika magenah ring Desa Mengkiang. Desa Mengkiang puniki manados asal-usul Kerajaan Sanggau sane mangkin manados Kabupaten Senggau. Desa puniki magenah ring alur Sungai Sekayam sane pinaka anak sungai saking Sungai Kapuas. Pangawitnyane para penduduk sane wit saking Kerajaan Brunei inucap.

Gambusi ring Gorontalo

Gambusi madue kesamaan antuk gambus sane ketahnyane. Gambusi kajangkepin antuk pitung dawai miwah kabaktayang dipetik. Ketahnyane alat musik puniki kabaktayang taler antuk marwas miwah rebana ring sajeroning pertunjukkan seni. Gambusi puniki kabakta ka Provinsi Gorontalo olih Ulama saking Timur Tengah, duaning krama Gorontalo nenten prasida maos gambus, antuk punika manados Gambusi.