Danu Siombak

Danu Siombak inggih punika silih tunggil danu sané wénten ring Indonésia. Danu Siombak magenah ring Kelurahan Paya Pasir, Medan Marelan, Medan, Sumatera Utara, Indonesia. Danu Siombak wantah danu buatan sané madué jimbar kirang langkung 40 hektare, diameter 1.000 meter miwah kedalaman kirang langkung 12 meter. Danu puniki magenah diantara dadua tukad sakadi Tukad Deli miwah Tukad Terjun. Danu puniki wantah bekas galian saking wewangunan proyek tol balmera warsa 1980.

Wisata

Makéh wisatawan sané malancaran ka Danu Siombak, utamannyané krama saking Kota Medan Marelan. Ring wewidangan danu prasida kaanggén genah wisata miwah mancing. Kramané sané polih hasil mancing prasida ngoréng utawi nunu ulam tur kaajeng drika. Wawidangan danu sané kantun asri ngawinang genah puniki kaanggén genah wisata alit-alit tur madué fasilitas sané lengkap sakadi genah maplalianan, kolam mini, mandi bola miwah sané tiosan.

Fasilitas

Ring wewidangan danu wénten dagang sanganan miwah aksesoris sakadi gelang, anting, baju miwah sané tiosan. Wénten taler krama drika sané mancing, nglangi miwah ngumbah ring pasisi danu. Ring pasisi danu taler wénten jukung sané prasida kaanggén muterin danu.