Danu Singkarak

Danu Singkarak inggih punika silih tunggil danu sané magenah ring kalih kabupatén sané wénten ring propinsi Sumatra Barat, Indonésia, inggih punika kabupatén Solok miwah kabupatén Tanah Datar.[1] Danu puniki madué jimbar 107,8 km² miwah dados danu sané pinih jimbar kaping kalih ring pulo Sumatra sasampun Danu Toba ring Sumatra Utara. Danu puniki ulu saking tukad utawi Batang Ombilin. Toya danu kaalirang nglintangin terowongan sané nembus ka Bukit Barisan ka Batang Anai antuk ngerakang generator PLTA Singkarak sané nampek ring Lubuk Alung, Kabupatén Padang Pariaman. Danu Singkarak dados silih tunggil asil saking proses téktonik sané kakaryanin olih sesar Sumatra. Danu puniki dados pahan saking Cekungan Singkarak-Solok tur ngranjing ring ségmén Sumatra. Cekungan saking danu puniki mawentuk saking amblesan olih sesar Sumatra. Cekungan ageng puniki kabendung olih material vulkanik saking letusan gunung api sané nampek irika. Danu Singkarak kawentuk krana prosés téktonik

Danu Singkarak
Peta
GenahKabupatén Tanah Datar miwah Kabupatén Solok,
propinsi Sumatra Barat,
Indonésia Kobér Indonésia
Koordinat0°36′44.17″S 100°32′21.14″E / 0.6122694°S 100.5392056°E / -0.6122694; 100.5392056
Loloan utamaBatang Ombilin
Basin saking negaraIndonésia
Lantang maks.20 km
Linggah maks.6.5 km
Jimbar pamukaan107.8 km²
Rerata dalem268 m
Luang toya16.1 km³
Élevasi pamukaan363.5 m
NusaSumatra
Danu Singkarak

Wewengkon uah

Genah Danu Singkarak wénten ring koordinat 0, 36 derajat Lintang Selatan (LS) miwah 100,3 Bujur Timur (BT). Danu puniki wénten ring 363,5 méter ring duur permukaan pasihé. Jimbar permukaan toya danu puniki ngantos 11.200 héktare tur madué panjang 20 kilométer tur lebar 6,5 kilométer miwah dalemnyané 268 méter. Danu puniki madué aliran toya ngantos 1.076 kilometer miwah curah ujannyané 82 ngantos 252 méliméter nyabran bulan.

Beburon lan Entik-entikan uah

Ikan bilih (Mystacoleucus padangensis) inggih punika soroh ulam sané wénten ring Danu Singkarak tur dados silih tunggil ajengan khas ring genah punika. Para peneliti nguningayang wénten 19 soroh ulam ring habitat Danu Singkarak, Kabupaten Solok dan Tanah Datar, Sumatra Barat, nanging kawéntenan ajengannyané nénten akéh.[2]

Saking 19 soroh punika, tigang soroh sané pinih akéh wénten irika inggih punika ulam Bilih/Biko (Mystacoleusus padangensis Blkr), Asang/Nilem (Osteochilus brachmoides) miwah Rinuak. Soroh ulam sané lianan inggih punika, Turiak/turiq (Cyclocheilichthys de Zwani), Lelan/Nillem (Osteochilis vittatus), Sasau/Barau (Hampala mocrolepidota) miwah Gariang/Tor (Tor tambroides). Salanturnyané wénten taler ulam Kapiek (Puntius shwanefeldi) miwah Balinka/Belingkah (Puntius Belinka), Baung (Macrones planiceps), Kalang (Clarias batrachus), Jabuih/Buntal (Tetradon mappa), Kalai/Gurami (Osphronemus gurami lac) miwah Puyu/Betok (Anabas testudeneus), Sapek/Sepat (Trichogaster trichopterus), Tilan (mastacembelus unicolor), Jumpo/Gabus (Chana striatus), Kiuang/Gabus (Chana pleurothalmus) miwah Mujaie/Mujair (Tilapia pleurothalmus). Punika nyiriang kawéntenan soroh ulam irika nénten akéh. Kawéntenan mesogotropik Danu Singkarak ngranayang daya dukung habitat puniki nénten nglimbak. Pupulan plankton tur betos ring Danu Singkarak nénten tegeh.

Pustaka uah

  1. "Detail". jsni.solokkab.go.id. Kaarsipin saking versi asli tanggal 2022-11-13. Kaaksés 2022-11-13.
  2. Novera,S.Pd, Delvi. "Danau Singkarak". Gurusiana. Kaaksés 2022-11-13.