Danu Kerinci

Danu Kerinci inggih punika silih tunggil danu sané wénten ring Indonésia. Danu puniki magenah ring cokor Gunung Rayo, Kabupatén Kerinci, Provinsi Jambi. Jimbar danu puniki 5.000 meter persegi miwah tegehnyané 783 meter saking permukaan laut. Danu puniki wantah danu ageng ring Kabupatén Kerinci miwah magenah kirang langkung 16 km ring sisi kelod Kota Sungai Penuh. Danu puniki magenah ring kalih wewidangan Kecamatan Keliling Danau dan Kecamatan Danau Kerinci. Danu Kerinci puniki wantah danu vulkanik sané madué kedalaman 110 meter.

Objek Wisata

Pamréntah drika nganggén Danu Kerinci pinaka genah wisata mawinan makéh pemandangan sané ngulangunin ring wewidangan Danu Kerinci. Kramané prasida nyingakin paksi Belibis. Wewidangan danu kaanggén genah wisata sakadi mancing, nglangi, kemah miwah sané lianan.

Aksés

Danu Kerinci prasida katempuh saking Kota Jambi ka Sungai Penuh. Jaraknyané kirang langkung 500 km.^[1]

Pustaka

↑ Yusuf, Ramdan (2020-12-19). "Perencanaan Kawasan Wisata Jelajah Alam". Kaganga:Jurnal Pendidikan Sejarah dan Riset Sosial Humaniora. 3 (2): 89–97. doi:10.31539/kaganga.v3i2.1542. ISSN 2598-4934.

[1] Yusuf, Ramdan (2020-12-19). "Perencanaan Kawasan Wisata Jelajah Alam". Kaganga:Jurnal Pendidikan Sejarah dan Riset Sosial Humaniora. 3 (2): 89–97. doi:10.31539/kaganga.v3i2.1542. ISSN 2598-4934.

[1]