Danu Kaco inggih punika silih tunggil danu sané wénten ring Indonésia. Danu puniki magenah ring Désa Lempur, Kecamatan Gunung Raya, Kabupatén Kerinci, Jambi. Danu Kaco magenah ring wewidangan Taman Nasional Kerinci Seblat (TNKS) sané wantah situs warisan UNESCO. Danu Kaco jimbarnyané kirang langkung 90 meter persegi tur madué kedalaman sané durung kauningin. Nganutin géografis, danu puniki magenah ring 101.540402 BT dan 2.330258 LS ring ketinggian 1229 mdpl. Danu Kaco mesuang sunar galang rikala wengi tur rikala wengi purnama utawi wengi ring tanggal 15 penanggalan Hijriah.

Danu Kaco
Danu Kaco saking sisin sane luwih tegeh

Kelanguan Danu uah

Danu Kaco madué kelanguan sané nénten wénten ring danu lianan ring Indonésia. Kelanguan punika inggih punika Danu Kaco prasida ngametuang sunar galang rikala wengi, utamannyané rikala bulan purnama. Warnan toya danu puniki inggih punika cyan utawi gadang pelung sané jernih miwah ngulapin rikala wengi. Sawiréh kalanguan toyané, makéh para peneliti, pemerhati alam miwah toris sané kayun uning napi sané ngawinang toyan danuné bening sakadi punika. Wénten sané mapikeneh sawiréh kandungan mineral tertentu ring sédimén danu Kaco sané mesuang pancaran warna cyan. Nganutin biologi, fitoplankton miwah algae saking soroh chlorophyceae, cyanophyceace taler prasida ngametuang warna pelung gadang. Sawiréh ento, organisme saking soroh diatomae prasida ngametuang sunar galang rikala wengi. Ring Danu Kaco wénten biota laut sakadi ulam, zooplankton dan fitoplankton. Makéh kacunduk bé semah (Tordouronensis).

Satua Rakyat uah

Nganutin kepercayaan krama drika, sunar sané metu saking dasar Danu Kaco wantah sunar intan sané wénten ring dasar toya. Intan punika kasimpen olih Raja Gagak sané taén mimpin drika. Sesepuh désa ngorahang intan sané kasimpen Raja Gagak ring dasar Danu Kaco wantah intan titipan sané ikatan janji pangeran-pangeran sané pacang nglamar putri Raja Gagak sané mawasta Putri Napal Melintang. Makejang lamaran okan raja ring Kerinci katerima olih Raja Gagak, tur ia bingung pacang nerima pelamar sané encén. Putri Nepal Melintang kaloktah ayu tur kademenin olih truna rikala punika. Raja Gagak makta putriné malaib miwah perhiasan intan katitipang olih pangeran. Intan punika sané kasimpen ring dasar Danu Kaco. Kayang mangkin, krama Désa Lempur, Kecamatan Gunung Raya kari kaprecaya intan punika kari kasimpen ring dasar danu.[1]

Pustaka uah

  1. Atourin. "Danau Kaco di Kerinci". Atourin (ring Indonesia). Kaaksés 2022-11-13.