Danu Buyan inggih punika silih tunggil danu sané wénten ring Bedugul, Bali. Danu puniki wantah danu kembar sareng danu Tamblingan santukan genahnyané macendekan. Ring Bali wénten 4 (patpat) danu, makadi danu Beratan, Tamblingan, Buyan miwah Batur. Danu Buyan wantah danu sané paling ageng saking danu-danu sané lianan. Danu Buyan magenah ring Désa Pancasari, Kecamatan Sukasada, Kabupatén Buléléng, Propinsi Bali. Jimbar danu puniki inggih punika kirang langkung 4 km2.[1]

Danu Buyan
Danu Buyan ring Kabupatén Buléléng, Bali
Peta
GenahKabupatén Buléléng, Bali, Indonésia
Koordinat8°15′25″S 115°05′49″E / 8.257056°S 115.097003°E / -8.257056; 115.097003Koordinat: 8°15′25″S 115°05′49″E / 8.257056°S 115.097003°E / -8.257056; 115.097003
Tipecaldera lake
Basin saking negaraIndonésia
Lantang maks.2 km (1.2 mi)
Linggah maks.1.1 km (0.68 mi)
Jimbar pamukaan1.6 km2 (0.62 sq mi)
Dalem maks.90 m (300 ft)
Luang toya0.027 km3 (0.0065 cu mi)
Élevasi pamukaan1,217 m (3,993 ft)
Paumahandésa Pancasari

Wewidangan Danu uah

Danu Buyan magenah ring tengah Hutan Tropis sané jimbar tur kantun asri. Wewidangan Danu Buyan kadadosang wewidangan Taman Wisata Alam (WTA) olih pamréntah. Wewidangan Taman Wisata Alam puniki jimbarnyané kirang langkung 1.700 hektar. Tiosan punika, danu puniki kaiterin antuk alas sané ngulangunin sané kawastanin Hutan Wanagiri. Danu Buyan kasub kaanggén genah camping olih krama Bali. Ring wewidangan danu puniki wénten pura sané ketah inggih punika Pura Ulun Danu Buyan. Danu Buyan sampun kaloktah dados objek wisata santukan alamnyané sané ngulangunin. Suhu ring danu Buyan puniki dingin santukan magenah ring dataran tinggi.

Krama ring wewidangan danu uah

Krama sané meneng ring wewidangan danu Buyan makéh sané makarya dados petani miwah dagang. Santukan suhu ring wewidangan danu Buyan dingin, makéh krama désa sané matetanduran, makadi jukut, strobéri, miwah woh-wohan sané tiosan. Sasampuné kaalap, raris jukut miwah woh-wohan punika kaadol ring pasar. Pakaryan punika kaanggén sarana ngrereh pangupadiri olih para krama ring wewidangan danu Buyan punika.[2]

Galeri uah

Pustaka uah

  1. Kompasiana.com. "Danau Buyan, Camping Area dengan Sensasi Menakjubkan". KOMPASIANA (ring Indonesia). Kaaksés 2020-05-24.
  2. "Danau Buyan Bedugul Bali - Info Harga Tiket Masuk, Camping & Pura". Tempat Wisata di Bali (ring Indonesia). 2017-11-03. Kaarsipin saking versi asli tanggal 2020-10-01. Kaaksés 2020-05-24.