Danu Bulat

Danau Bulat inggih punika silih tunggil danu sané wénten ring Indonésia. Danu Bulat magenah ring Kabupatén Katingan, Provinsi Kalimantan Tengah, Indonésia. Danu sané magenah ring wewidangan Désa Jahanjang puniki madué jimbar kirang langkung 500 meter persegi. Danu Bulat madué toya mawarna coklat barak sané mawit saking toya lahan gambut. Tamiu prasida nganggén sampan, mancing utawi nyingakin endag miwah engseb surya.

Danu Bulat wantah wewidangan sané mawatesan sareng Taman Nasional Sebangau miwah kadadosang silih tunggil genah wisata ring ekowisata Kamipang. Danu puniki taler kaanggén pinaka sumber ulam olih bendéga miwah genah penelitian. Abagian krama ngrereh pangupajiwa pinaka bendéga miwah buruh perkebunan sawit.

Wastan Danu Bulat mawit saking jadma pendiri Desa Jahanjang mawasta Mat Saleh Engkat sané madué istri saking Suku Dayak Kapuas mawasta Bunter. Ritatkala nyingakin danu, Mat Salah ngicénin wastan danu antuk wastan kurenannyané, inggih punika 'bunter' utawi 'bunder' sané ring basa Indonésia artosné bulat, yadiastun pasisi danu sujatiné nénten mawentuk bulat.

Ring masan tertentu ketahnyané wénten kawanan kedis belibis sané tuwun ka Danu Bulat. Ketahnyané kedis belibis tuwun ring masan panes kirang langkung bulan September. Kawanan kedis belibis tuwun ngantos ribuan ekor miwah nglangi ring Danu Bulat.