Danu Batur
Danu Batur inggih punika silih tunggil danu sané wénten ring Bali. Danu Batur magenah ring désa Kintamani, Kecamatan Kintamani, Kabupatén Bangli, Propinsi Bali. Dohnyané wantah 30 kilométer saking sisi kaja kangin Ubud. Danu Batur magenah ring pasisi tenggara Gunung Batur. Danu Batur jimbarnyané kirang langkung 16 km2. Nika mawinan Danu Batur kadadosang danu sané paling ageng ring Bali. Danu punika magenah ring ketinggian 1.050 mdpl. Ketinggian punika ngawinang wewidangan Danu Batur puniki sejuk tur kantun asri. Danu puniki kaiterin antuk taru-taru sané gadang tur kantun asri.
| Danu Batur | |
|---|---|
.jpg) | |
  Danu Batur | |
 | |
| Genah | Kintamani, Kabupatén Bangli, Bali, Indonésia |
| Koordinat | 08°15′30″S 115°24′30″E / 8.25833°S 115.40833°EKoordinat: 08°15′30″S 115°24′30″E / 8.25833°S 115.40833°E |
| Tipe | Polymictic, Danu kawah vulkanik |
| Lantang maks. | 2.5 km (1.6 mi) |
| Linggah maks. | 7.5 km (4.7 mi) |
| Jimbar pamukaan | 15.9 km2 (6.1 sq mi) |
| Dalem maks. | 88 m (289 ft)[1] |
| Luang toya | 0.82 km3 (660,000 ékar⋅ft) |
| Élevasi pamukaan | 1,031 m (3,383 ft) |
Wewidangan Danu Batur uah
Sumber yéh Danu Batur mawit saking yéh ujan tur rémbésan yéh saking hutan bukit miwah pegunungan. Yéh danu puniki ketahnyané mawarna pelung, gadang miwah kuning. Kawéntenan warna yéh puniki sawiréh senyawa belerang sané wénten ring dasar danu. Wewidangan Danu Batur kadadosang wewidangan Taman Bumi olih badan dunia Unesco sané ketah kabaos Batur Global Geopark Network. Kawéntenan wewidangan puniki prasida nyaga tur nglestariang alam Danu Batur mangda nénten usak tur tetep lestari. Sadurungnyané, wewidangan puniki ketah kabaos genah Galian C sané kaanggén ngrereh material-material gunung sakadi bias miwah batu. Kawéntenan Galian C puniki ngawinang jalur aksés puniki makéh wénten truk-truk gedé.
Krama Désa uah
Krama désa sané wénten ring wewidangan Danu Batur makéh sané ngrereh pangupadiri antuk miara bé ring yéh tawah. Soroh bé sané kapiara punika makadi bé Mujair. Tiosan punika, yéh danu Batur taler kaanggén pengairan kebun sané wénten ring pasisi danu. Krama désa makéh sané mamula bawang, kol, tabia miwah tomat. Hasil saking tambak bé miwah kebun punika kaanggén pangupadiri olih krama-krama sané meneng ring wewidangan danu Batur.[2]
Pustaka uah
- ↑ "World Lakes - Batur Lake". LakeNet. April 30, 2005. Kaaksés December 21, 2017.
- ↑ "Danau Batur Kintamani yang terbesar di Bali luas 16 km2". www.balitoursclub.net. Kaaksés 2020-05-15.