Candi Sewu inggih punika silih tunggil candi macorak Buddha sané wénten ring Indonésia. Candi Sewu magenah ring Dukuh Bener, Désa Bugisan, Kecamatan Prambanan, kabupatén Klaten, Propinsi Jawa Tengah. Saking Kota Yogyakarta jaraknyané 17 km ka arah Solo. Candi Sewu genahnyané nénten joh saking Candi Prambanan, inggih punika kirang langkung 800 m ring sisi kelod arca Rara Jongrang. Candi puniki diperkirakan kawangun ring abad ka-8 antuk perintah raja Kerajaan Mataram, inggih punika Rakai Panangkaran (746-784 M) miwah Rakai Pikatan sané maagama Hindu. Yadiastun rajannyané maagama Hindu, Kerajaan Mataram keni pengaruh saking Wangsa Syailendra sané maagama Buddha. Para ahli minehang candi Sewu inggih punika pusat keagamaan krama sané maagama Buddha. Papinehang punika kadasarin antuk daging prasasti batu andesit mawasta Prasasti Manjusrigrta sané kacunduk ring silih tunggil candi perwara. Prasasti punika katulis antuk basa Melayu Kuno tur madué angka warsa 792 saka. Daging prasasti punika nyritayang indik kegiatan penyempurnaan prasada sané mawasta Wajrasana Manjusrigrha ring warsa 714 saka (792 masehi). Wastan Sewu ring basa Jawa madué artos siu, nika muktiang candi sané magabung ring gugusan candi Sewu punika makéh, sakéwanten nénten ngantos siu. Gugusan candi Sewu kepah dados 249 candi, inggih punika 1 candi utama, 8 candi pengapit, miwah 240 candi perwara.

Kompleks Candi Sewu
(Manjusrighra)
Candi utama ring tengah kompleks Candi Sewu
Candi Sewu magenah ring Indonésia
Candi Sewu
Location within Indonésia
Inpormasi umum
Pakem UndagiCandi
KotaDukuh Bener, Bugisan, Prambanan, Kabupatén Klaten, Jawa Tengah
Negara Indonésia
Koordinat7°44′37″S 110°29′37″E / 7.7435°S 110.4935°E / -7.7435; 110.4935Koordinat: 7°44′37″S 110°29′37″E / 7.7435°S 110.4935°E / -7.7435; 110.4935
PuputSekitar 782 Masehi
KlienSailendra
Detail teknis
Sistem StrukturCandi saking susunan blok batu andesit sané makait
PangukurJimbar dasarné 185 meter kaja-kelod miwah 165 meter kangin-kauh, tegeh candi utama 30 meter

Wewidangan Candi uah

Candi Sewu madué patpat kori sané nuju jaba sisi, inggih punika ring sisi kangin, kaja, kauh, miwah kelod sané soang-soang kajaga antuk apasang arca Dwarapala sané saling mahadapan. Tegeh arca punika kirang langkung 2,3 m. Candi utama magenah ring pelataran persegi sané jimbarnyané 40 m2, tur kaiterin pagar saking susunan batu tegehnyané 0,85 m. Tinggi wangunan ngantos 30 m tur madué 9 atap sané madué stupa soang-soang. Cokor candi kahias antuk ukiran bunga. Candi utama kawangun malakar aji batu andesit sané madué kori utama ring sisi kangin.[1]

Pustaka uah

  1. "Candi Sewu (Jawa Tengah) - Kepustakaan Candi". candi.perpusnas.go.id. Kaarsipin saking versi asli tanggal 2020-02-13. Kaaksés 2020-05-09.