Candi Borobudur inggih punika silih sinunggil candi sané magenah ring kabupatén Magelang, Propinsi Jawa Tengah. Candi puniki satmaka silih sinunggil Candi Budha sané pinih ageng ring jagat guminé. Candi Borobudur kakaryanin antuk jadma sané nganut ajah-ajahan Buddha Mahayana kirang langkung duk warsa 800 Masehi lan kaadegang olih raja Samaratungga (wangsa Syailendra).[1]. Wangunan puniki kakepah dados tatiga inggih punika: Kamadhatu, Rupadhatu, miwah Arupadhatu. Candi puniki nyihnayang indik dasa tincapan Bodhisattva sané patut kamargiang guna ngrereh kautamayan agama Budhané. Nyabran warsa ring rahina suci Waisak, makasami umat Budha saking jagat guminé mapupul ring Candi Borubudur antuk nyanggra rahina punika.

Candi Borobudur

PustakaSunting

  1. Hary Gunarto, Digital Preservation of Borobudur World Heritage and Cultural Treasures, Journal of Ritsumeikan Studies in Language and Culture, VOL 19, No 2, Kyoto, Nov. 2007, pp. 263-278.