Bumi Parawira
Bumi Parawira inggih punika galéri indik carita para pemimpin ring Kota Bogor saking galah Kerajaan Pajajaran ngantos galah mangkin. Galéri seni puniki kalaksanayang ring Perpustakaan Bogor sané magenah ring Jl. Kapten Muslihat No.21, Pabaton, Kecamatan Bogor Tengah, Kota Bogor. Bumi Parawira madué arti "Rumah Para Pemimpin yang Berani". Galéri Bumi Parawira wantah wentuk kolaborasi antar seniman, pelaku kreatif, miwah penggiat sejarah ring Kota Bogor pinaka utsaha pendokumentasian peristiwa miwah carita historis ring Kota Bogor liwat koléksi kesenian sané inspiratif.[1]
Koléksi Galeri
uahGaléri Bumi Parawira nyihnayang potrékan Bogor saking galah ka galah, mawit saking galah Kerajaan Sunda, galah Kolonialisme, Orde Lama, Orde Baru, galah Kemerdékaan, galah Reformasi ngantos galah mangkin.
Koléksi-koléksi Galeri Bumi Parawira sakadi lukisan, replika, game ngantos téater imersif sané pacang makta tamiu ngliwatin sejarah-sejarah kepemimpinan Kota Bogor.
Pamungkahan Galeri
uahGaléri Bumi Parawira sané magenah ring lantai 3 Gedung Perpustakaan Kota Bogor wawu manten karesmiang ring rahina Wraspati, 28 Désember 2023. Pamungkahan kalaksanayang olih Wali Kota Bogor Bima Arya kasarengin kalih wali kota sané dumunan, inggih punika Muhammad wali kota periode 1984-1989 miwah Diani Budiarto wali kota periode 2004-2014.
Tanggal pamungkahan taler nganutin tanggal ritatkala présiden kapertama RI, Soekarno maosang pinunas antuk Bogor, "Moga-moga Bogor menjadi batu loncatan sejarah" baos Soekarno ring 28 Désember 1954.[2]
Pustaka
uah- ↑ Team, Lokamantra Creative Studio. "Bumi Parawira". Bumi Parawira (ring Indonesia). Kaaksés 2024-05-11.
- ↑ Firdaus, Ananda Muhammad. "Galeri Bumi Parawira Bogor, Punya Arti Mendalam hingga Bawa-bawa Nama Presiden Soekarno - Ayo Bogor - Halaman 2". Galeri Bumi Parawira Bogor, Punya Arti Mendalam hingga Bawa-bawa Nama Presiden Soekarno - Ayo Bogor - Halaman 2 (ring Indonesia). Kaaksés 2024-05-11.