Boys Before Flowers

Boys Before Flowers inggih punika silih tunggil séri TV sané kaloktah ring sajebag jagat Koréa Selatan. Drama puniki katulad saking manga Jepang Hana Yori Dango. Ngawit kasobyahang duk 5 Januari warsa 2009 ring KBS2TV tur puput tanggal 31 Maret 2009 antuk 25 épisodé. Film puniki taler kasub ngantos ka dura nagara sakadi Indonésia, Malaysia, Filipina miwah nagara sané tiosan.

Jan Di ring Boys Before Flowers

Jalan carita uah

Geum Jan Di (Koo Hye Sun) pinaka anak isteri sané mawit saking kulawarga tiwas madué laundry sané nampek saking sekolah Shin Hwa, sekolah sané pinih kasub ring Koréa Selatan. Pangawit carita puniki duk Jan Di jagi makta laundry druén silih tunggil sisya Shin Hwa, rupannyané druén sisya sané jagi nglaksanayang salah pati duaning kapisuna olih F4. Sagét tulungina tekén Jan Di. Sasampun gatra nénten becik punika kawedar ring jaba sekolah, Jan Di kanikain mangda masekolah irika mangda pikobetnyané sayan ical.

Dina kapertama ring sekolah Shin Hwa, Jan Di ngedohin sekaan F4, mawinan nénten wénten sisya wanén nglawan sekaa punika inggihnyané Gu Jun Pyo (Lee Min Ho), Yoon Ji Hoo (Kim Hyun Joong), So Yi Jung (Kim Bum), miwah Song Woo Bin (Kim Joon). Maka patpat pinaka sisya sané pinih sugih drika. Gu Jun Pyo pinaka manggala sekaa punika satata ngwalek sisya sané lemet utawi nénten seneng sareng sekaa puniki. Kacrita timpal Jan Di sané mawasta Oh Min Ji ngenénin es ka sepatu Gu Jun Pyo. Jun Pyo raris pedih tur nganikain mangda Min Ji nyelépin sepatu Jan Di. Irika Jan Di sebet tur magentos nyelépin sepatu Gu Jun Pyo. F4 ngrasa yéning Jan Di nénten seneng sareng sekaa punika, raris nganikain mangda makasami sisya ngwalek Jan Di. [1]

Sadina-dina ngwalek Jan Di ngawinan Gu Jun Pyo tresna sareng anak isteri punika. Makasami utsaha kamargiang nampekin Jan Di. Ri kala tresna ngancan tumbuh pantaraning Jan Di sareng Gu Jun Pyo. Nanging, pikobetnya Ibu Gu Jun Pyo nénten cumpu yéning Jun Pyo sareng Jan Di masikian. Raris mautsaha mangda makakalih prasida kapalasang. Sekaa F4 sané lianan ngwantu mangda tresnan timpalnyané Jun Pyo sareng Jan Di nénten palas.

Pustaka uah

  1. "R9 Tahun Berlalu, Begini Transformasi Pemain Boys Before Flower Sekarang". IDN TIMES (ring Inggris). 2018-09-18. Kaaksés 2020-04-30.