Ben Anderson
Benedict Richard O'Gorman Anderson (embas ring Kunming, 26 Agustus 1936 – seda ring Batu, Malang, 13 Désémber 2015 ring yusa 79), kasub kasengguh Ben Anderson, inggih punika sejarawan miwah ahli politik ring jagaté. Ida sampun ngentosin Aaron L. Binenkorb dados Profesor Emeritus Studi Asia, Pamaréntahan, miwah Internasional ring Universitas Cornell. Karya sané pinih kasub, "Imagined Communities" (1983), nyihnayang nglimbaknyané konsep nasionalisme ring sajebag jagaté antuk ngawigunayang pendekatan materialisme historis miwah historiografi Marxis.
| Benedict Anderson | |
|---|---|
| Embas | Benedict Richard O'Gorman Anderson 26 Agustus 1936 Kunming, Yunnan, China |
| Séda | 13 Désémber 2015 (yusa 79) Batu, Jawa Timur, Indonesia |
| Semeton negara | Irlandia |
| Almamater | King's College, Cambridge (B.A.) Cornell University (Ph.D.) |
| Karir Ilmuwan | |
| Bidang | Ilmu Politik, Ilmu Sejarah, Kajian Wilayah |
| Institusi | Universitas Cornell (Profesor) |
| Doctoral advisor | George McTurnan Kahin |
| Murid doctoral | John Sidel |
Kahuripan pangawit miwah pendidikan
uahBenedict Anderson embas ring Kunming, Tiongkok ring 26 Agustus 1936 saking kulawarga Inggris-Irlandia. Ajinnyané, James O'Gorman Anderson, inggih punika pegawé ring Layanan Kepabean Maritim Tiongkok katurunan Inggris-Irlandia; kulawargan James nyarengin ring gerakan nasionalis Irlandia. Ibunnyané, Veronica Beatrice Mary Anderson, inggih punika warga negara Inggris sané mawit saking kulawarga pengusaha, hakim, miwah polisi. Adinnyané, Perry Anderson, inggih punika intelektual Marxis miwah sejarawan. Melanie, adik Benedict miwah Perry, inggih punika antropolog.
Anderson miwah kulawarganipun nganggen makudang-kudang basa. Bapannyane mabasa Mandarin alus pisan. Benediktus mabasa Inggris, Belanda, Jerman, Spanyol, Rusia, miwah Prancis. Ri tatkala meneng ring Asia, Anderson mlajahin basa Indonésia, basa Jawa, basa Tagalog, miwah basa Thai. Makakalih semeton Anderson sampun wikan ring makudang-kudang basa ring Eropa.[1]
Ring warsa 1941, kulawargan Anderson magingsir ka California, Amerika Serikat santukan Perang Cina-Jepang sané kaping kalih sané ngawinang Jepang ngrebut kota-kota utama ring Cina. Anderson polih pendidikan ring California. Ring warsa 1945, kulawargané rauh ring Irlandia, sakéwanten dané nénten seneng ring kahanané punika. Silih sinunggil kulawargannyané dados bagian saking gerakan nasionalis Irlandia, sakéwanten pinaka kulawarga Anglo-Irlandia ipun ngamolihang hak istimewa sané matiosan saking krama Irlandia.[1][2]
Anderson ngalanturang masekolah ring Universitas Cambridge ring warsa 1950-an. Ring warsa 1956, ri tatkala krisis Suez mamargi, Anderson nyokong protes mahasiswa anti-imperialis sané nentang tindakan pamréntah Inggris sané nyokong upaya Anglo-Prancis ngambil Terusan Suez. Akéhan mahasiswa puniki madué latar belakang sané pateh sareng Anderson; dané embas miwah meneng ring koloni. Ngawit saking galah punika, Anderson seneng ring pamikiran Marxisme miwah anti-imperialisme. Dané ngamolihang gelar B.A. saking Universitas Cambridge ring warsa 1957.[1]
Karir akademik
uahAnderson seneng pisan ring politik Asia, raris ngranjing ring program pascasarjana Studi Indonesia ring Universitas Cornell. Dané ngamolihang gelar doktor saking bimbingan =George Kahin miwah Claire Holt. Dané taler polih galah dados asisten pengajar ring Departemen Politik. Pinaka pahan saking seseleh doktoralnyané, dané lunga ka Indonésia antuk nglaksanayang seseleh salami 3 warsa (1961-1964). Dané ngamolihang gelar Ph.D. ring widang pamréntahan ring warsa 1967.[2][3] Sasampun G30S, Anderson ngamedalang 3 publikasi indik kawéntenan punika. Anderson miwah sawitrannyané ring Cornell, Ruth McVey, ngamedalang publikasi anonim sané kauningin pinaka "Cornell Paper" ring warsa 1966 sané maosang indik kawéntenan G30S kakaryanin olih elit militer, nénten Partai Komunis Indonésia, miwah nakénang legitimasi pamréntahan Orde Baru. "Cornell Paper" sadurungnyane kawedar ring genah kawates, sakéwanten duk warsa 1971 kawedar malih ring makudang-kudang genah tur ngamolihang uratian sané jimbar, rumasuk ring kalangan oposisi ring Indonésia. Ring warsa 1971, Anderson dados silih sinunggil saking kalih saksi asing ring pangadilan Sudisman, sekretaris jenderal PKI, sané raris katiwakin pamidanda pati. Analisis miwah pandangan-pandangan kritisnyané ngawinang Anderson katulak ngranjing ka Indonésia ring warsa 1972 olih pamréntahan Orde Baru ring sor Présidén Soeharto. Ri sampuné Soeharto dados prawira, Anderson prasida malih ngrauhin Indonésia.[1][2][4]
Sasampuné kaicalang ring Indonésia, Anderson meneng ring Thailand makudang-kudang warsa. Raris, dané ngajahin ring Universitas Cornell; dané dados direktur Modern Indonesia Program. Ring warsa 1988 ida katunjuk dados Aaron L. Binenkorb Professor Emeritus of International Studies, Government, and Asian Studies nyantos warsa 2002.[5] Andeson nerbitang suratan Imagined Communities warsa 1983 sane dados rujukan utama ring studi nasionalisme nganti dane kasub dados silih tunggil satu penstudi nasionalisme pinih ageng.[2] Dane tasih ngmolihang Hadiah Budaya Asia Fukuoka XI 2000.
Imagined Communities
uahGagasan utama
uahAnderson maosang yéning sané ngawinang kawéntenan nasionalisme miwah kawéntenan komunitas imajiner inggih punika kirangnyané akses istimewa ring basa-basa sané kasurat (minakadi basa Latin), gerakan antuk ngicalang pamineh indik pamréntahan ilahi miwah monarki, miwah kawéntenan mesin cetak ring sistem kapitalisme (utawi, sakadi sané kawedarang olih Anderson, 'kapitalisme cetak'). Pendekatan materialis historis Anderson prasida kabandingang sareng pendekatan individualis metodologis Liah Greenfeld utawi Max Weber ring "Nationalism: Five Roads to Modernity".
Kritik
uahKahuripan pribadi
uahAnderson seda tanggal 12 Desember 2015 ring Batu, Malang, Jawa Timur jam 23.30 WIB. Layon Ben Anderson kabakta ring Rumah Duka Adijasa, Surabaya, Jawa Timur.[6]
Sasuratan
uah- Java in a Time of Revolution ISBN 0-8014-0687-0
- Debating World Literature ISBN 1-85984-458-8
- Language and Power: Exploring Political Cultures in Indonesia ISBN 0-8014-9758-2
- Imagined Communities ISBN 0-86091-329-5 (edisi pertama 1983)
- The Spectre of Comparisons
- Under Three Flags: Anarchism and the Anti-Colonial Imagination ISBN 1-84467-037-6
- "ベネディクト・アンダーソン グローバリゼーションを語る" ("Benedict Anderson: Gurobariseshon wo kataru"-"Benedict Anderson on Globalization") 梅森直之 Umemori Naoyuki (suntingan) Tokyo: Minerva, 2007
- "ヤシガラ椀の外へ" ("Yashigara-wan no Soto he" - "Out from Under the Coconut Halfshell") Tokyo: NTT Publishing. 2009. "ISBN 978-4-7571-4213-8"
Pustaka
uah- ↑ 1,0 1,1 1,2 1,3 Heer, Jeet (2015-12-13). "Benedict Anderson, Man Without a Country". The New Republic. ISSN 0028-6583. Kaaksés 2023-08-01.
- ↑ 2,0 2,1 2,2 2,3 "Anderson, Benedict – Postcolonial Studies". scholarblogs.emory.edu. Kaaksés 2023-08-01.
- ↑ "Benedict Anderson | Irish Political Scientist & Imagined Communities | Britannica". www.britannica.com (ring Inggris). Kaaksés 2023-08-01.
- ↑ Reid, Anthony (2016-01-01). "Benedict Anderson obituary". The Guardian (ring Inggris). ISSN 0261-3077. Kaaksés 2023-08-01.
- ↑ "Benedict Anderson | Irish Political Scientist & Imagined Communities | Britannica". www.britannica.com (ring Inggris). Kaaksés 2023-08-07.
- ↑
Kusumadewi, Anggi (13 Desember 2015). "Indonesianis Benedict Anderson Wafat di Malang". CNN Indonesia. Kaaksés 13 Desember 2015. Check date values in:
|accessdate=, |date=(help)
Pranala jaba
uah| Wikipustaka ngelah cakepan wit sané matopik pateh tekén suratan puniki: |
- Biografi singkat
- "The Nation as Imagined Community" Archived 2013-11-03 at the Wayback Machine Cuplikan dari Imagined Communities
- "Western Nationalism and Eastern Nationalism: Is there a difference that matters?" Archived 2006-02-11 at the Wayback Machine, oleh Anderson dalam New Left Review.
- "When the Virtual Becomes the Real": Percakapan dengan Benedict Anderson, (Musim semi 1996).
- "Democratic Fatalism in South East Asia Today" oleh Anderson, (11 Mei 2001).
- Tinjauan Imagined Communities oleh Fadia Rafeedie.
- "The Current Crisis in Indonesia" Archived 2007-08-07 at the Wayback Machine Wawancara dengan Benedict Anderson oleh William Seaman.
- "Sam's Club" Archived 2006-03-23 at the Wayback Machine Anderson on Anti-Americanisms, tinjauan buku dalam BOOKFORUM, (Desember/Januari 2005).
- Archive of articles[permanent dead link] ditulis oleh Anderson dalam New Left Review, (perlu berlangganan).
- Interview with Anderson: "I like nationalism's utopian elements" Archived 2008-05-03 at the Wayback Machine (Universitas Oslo)
- Tinjauan Archived 2008-08-30 at the Wayback Machine tentang Under Three Flags oleh Meredith L. Weiss.
- Indonesian Nationalism Today and in the Future. Diambil dari pidato Anderson pada 4 Maret 1999 yang menjadi penampilan publik pertamanya setelah diizinkan kembali ke Indonesia.