Basa Sasak inggih punika basa utama sané kaanggén olih krama Sasak ring Pulo Lombok, Nusa Tenggara Barat. Basa puniki ketah kaanggén olih para krama irika sadina-dina. Basa Sasak masaih sareng Basa Bali miwah Basa Sumbawa sané kabaosang ring Pulo sané nampek saking Pulo Lombok. Katiga basa punika ngranjing ring pupulan Basa Austronésia. Ring galah sané formal, krama Sasak nganggén basa Indonésia ri tatkala mababaosan utawi ri tatkala nyurat. Ring basa punika taler madué tatacara basa sakadi anggah-ungguhing basa ring Bali tur tatabasa ring Jawa. Tatabasa punika manut saking sira sané kabaosang utawi sareng mababaosan. Manut saking K. Alexander Adelaar, ida ngepahang basa Sasak dados kepahan saking kelompok Melayu-Sumbawa saking pupulan basa Melayu-Polinésia ring suratannyané sané kasobyahang ring warsa 2005[5]. Basa sané pinih nampek saking Basa Sasak inggih punika Basa Sumbawa, selanturnyané Basa Bali. Basa Sasak madué makudang-kudang dialék, manut saking krama sané ngebaosang basa Sasak, basa punika madué limang dialék, inggih punika Kutó-Kuté, Nggetó-Nggeté, Menó-Mené, Ngenó-Ngené, miwah Meriaq-Meriku. Krama Sasak taler wénten sané nyurat ring lontar, kasurat nganggén basa Sasak, basa Kawi, miwah makakalih basané punika.[6]

Sasak
basa​sasak·
Kaanggén ringIndonésia
WawengkonLombok
EtnisitasSasak
penganggé
2,7 yuta[1] (2010)
Baluq Olas,[2]
Latin[3]
Kode basa
ISO 639-2sas
ISO 639-3sas
Glottologsasa1249[4]
Peta persebaran basa ring Lombok, madasar data warsa 1981. Wewidangan panutur basa Sasak kawarnayang hijau, sementara wewidangan panutur basa Bali kawarnayang barak.
Krama Sasak

Pustaka uah

Cutetan uah

Kutipan uah

  1. Austin 2012, p. 231.
  2. Austin 2010, p. 36.
  3. Basa Sasak ring Ethnologue (18th ed., 2015)
  4. Hammarström, Harald; Forkel, Robert; Haspelmath, Martin, eds. (2017). "Sasak". Glottolog 3.0. Jena, Germany: Max Planck Institute for the Science of Human History.
  5. Shibatani 2008, hlm. 869.
  6. Austin 2010, hlm. 36.

Lis pustaka uah

Pranala jaba uah