Barbie
Barbie inggih punika silih tunggil bonéka sané kakaryanin ring Amérika olih Ruth Handler. Bonéka punika kasobyahang duk bulan Maret warsa 1959. Barbie taler madué wasta sujati inggihnyané Barbara Millicent Roberts sané kasurat ring Novél "Random House" warsa 1960. Taler kabaosang indik wastan reramannyané inggih punika George miwah Margaret Roberts saking kota sané kacritayang mawasta Willows ring Wisconsin. Barbie taler kacritayang ngranjing ring Willows High School. Kalanturang antuk novél lianan ring warsa 1999 sané nyritayang indik watek barbie sané taler ngranjing ring Manhattan International High School sané magenah ring New York.[1]
