Arc de Triomphe

Arc de Triomphe de l'Étoile (UK: /ˌɑːrk də ˈtriːɒmf, - ˈtriːoʊmf/, US: /- triːˈoʊmf/, Basa Prancis: [aʁk də tʁijɔ̃f də letwal] (renge^ⓘ); terj. har. Plengkung Pikélingan Bintang) inggih punika silih tunggil monumén pinih kaloktah ring Paris, Prancis, magenah ring tanggu kauh Champs-Élysées ring tengah Place Charles de Gaulle, aran sadurungné Place de l'Étoile—étoile utawi "bintang" saking pasimpangan sané kaadegang olih rolas margi sané mamancar. Genah busur lan alun-alun kakepah riantara tiga arrondisemén, ka-16 (kelod lan kauh), ka-17 (kalér), miwah ka-8 (kangin). Arc de Triomphe minghormatin dané sané mabéla pati antuk Prancis ring Révolusionér Prancis miwah Yuda Napoleon, antuk parinama makasami jayanti miwah jénderal Prancis kasurat ring pamukaan jero miwah jabané. Ring sor kubahné wénten Sétra Prajurit Ten Kauningin saking Yuda Jagat I.

Arc de Triomphe
Aran liyanan	Arc de Triomphe de l'Étoile
Inpormasi umum
Tipe	Plengkung pikélingan
Pakem Undagi	Néoklasikisme
Genah	Place Charles de Gaulle (sadurungné Place de l'Étoile)
Koordinat	48°52′25.6″N 2°17′42.1″E
Ngawit kawangun	15 Agustus 1806
Pinanggal inagurasi	29 Juli 1836
Tegeh	50 m (164 ft)
Dimensions
Béntang liyanan	Linggah: 45 m (148 ft) Dalem: 22 m (72 ft)
Désain miwah undagi
Undagi	Jean Chalgrin Louis-Étienne Héricart de Thury

Indik paiketan sentral saking Axe historique (poros malelintihan, rangkaian monumén miwah margi raya ring rute sané ngapentang saking pakarangan Louvre nuju Grande Arche de la Défense), Arc de Triomphe karancang olih Jean Chalgrin di 1806; Kainspirasi olih Plengkung Titus ring Roma, Itali, Arc de Triomphe ngelah tegeh makasami 50 m (164 ft), linggah 45 m (148 ft) miwah kadaleman 22 m (72 ft), sapunika kubah agengné mategeh 29.19 m (95.8 ft) miwah linggahné 14.62 m (48.0 ft). Kubah ngapentang sané alitan punika tegehné 18.68 m (61.3 ft) miwah linggahné 8.44 m (27.7 ft).

Paris's Arc de Triomphe punika plengkung pikélingan pinih tegeh ngantos puputné Monumento a la Revolución ring Kota Méksiko duk warsa 1938, punika tegehné 67 m (220 ft). Plengkung Pikélingan Pyongyang, puput ring warsa 1982, nedun Arc de Triomphe miwah langkung tegeh akidik 60 m (197 ft). Grande Arche ring La Défense nampek Paris tegehné 110 méter. Yadiastun nénten maparinama Arc de Triomphe, ipun sampun karancang antuk model sané pateh tur ngacakupin indik Arc de Triomphe. Punika ngacakupin syarat dados lengkungan pinih tegeh ring jagat.