Ali Sadikin
Ali Sadikin (7 Juli 1926 – 20 Méi 2008), kaloktah antuk parab Bang Ali, inggih punika politisi Indonésia keturunan Sunda, sané ngamong dados Gubernur Jakarta saking warsa 1966 ngantos 1977, manados gubernur pinih suwé ring lelintihan propinsi punika. Sadurungné, ida ngamong manados Manteri Pahubungan ring sor présidén Sukarno saking warsa 1963 ngantos 1966 miwah Manteri Koordinator Widang Kamaritiman saking warsa 1964 ngantos 1966. Ida taler ngamong dados manggala Pasikian Sépakbola Sajebag Indonésia (PSSI) saking 1977 ngantos 1981.
| Ali Sadikin | |
|---|---|
.jpg) Ali in 1975 | |
| Gubernur Jakarta ka-4 | |
| Masa jabatan 28 April 1966 – 5 Juli 1977 | |
| Sadurungné | Soemarno Sosroatmodjo |
| Selanturné | Tjokropranolo |
| Manteri Pahubungan ka-16 | |
| Masa jabatan 13 Nopémber 1963 – 28 Maret 1966 | |
| Sadurungné | Abdoelmoettalip Danoeningrat |
| Selanturné | Susatyo Mardi |
| Manko Maritim Indonésia ka-1 | |
| Masa jabatan 27 Agustus 1964 – 28 Maret 1966 | |
| Selanturné | Jatidjan |
| Manggala PSSI ka-8 | |
| Masa jabatan 1977–1981 | |
| Sadurungné | Moehono |
| Selanturné | Sjarnoebi Said |
| Informasi pragaan | |
| Embas | Ali Sadikin 7 Juli 1926 Sumedang, Jawa Kawan, Hindia Belanda |
| Séda | 20 Méi 2008 (yusa 81) Singapura |
| Kawangsaan | Indonésian |
| Rabi |
|
| Oka | Boy Bernardi Sadikin Edi Trisnadi Sadikin Irawan Hernadi Sadikin Benyamin Irwansyah Sadikin Yasser Umarsyah Sadikin |
| Rerama | Itjih Karnasih Raden Sadikin |
| Tanda tangan |  |
| Dinas militer | |
| Kaparab | Bang Ali |
| Pihak |  Indonésia |
| Dinas/cabang |  Angkatan Segara Indonésia |
| Masa dinas | 1945–1966 |
| Pangkat |  Létnan Jénderal |
| Satuan | KKO |
Manados gubernur, Ali ngamargiang pawangunan infrastruktur Jakarta. Ida ngawangun Taman Ismail Marzuki, Kebun Beburon Ragunan, Taman Ipian Jaya Ancol, miwah makudanf proyék infrastruktur liyanan. Kusus nyané, Ali ngalugra pawangunan proyék hiburan wengi, taler ngalugra hiburan marupa patohan ring Jakarta. Antuk pajeg sané kaasilang saking patohan punika kaanggén antuk ngawangun kota miwah ngawangun Pusat Islam Jakarta. Kagubernuran Ali taler nyaksiyang kauripan budaya Betawi ring Jakarta, antuk munggah nyané popularitas balih-balihan Ondél-ondél miwah Tari Topéng Betawi.