Achmad Soebardjo

(Kagingsirang saking Achmad Subardjo)

Achmad Subardjo (Soebardjo) (embas ring Karawang, Jawa Barat, 23 Maret 1896 – seda ring Jakarta, 15 Désémber 1978 ring yusa 82) inggih punika diplomat miwah pahlawan nasional Indonésia. Wastannyané sané jangkep inggih punika Raden Achmad Soebardjo Djojoadisoerjo. Wasta Achmad Subardjo kaicénin olih ibunnyané. Sadurungnyané dané mawasta Teuku Muhammad Yusuf; wasta puniki kaicénin olih bapannyané, anak trah Acéh. Wasta Djojoadisoerjo dané nambah pararagan. Dané tamat Hogere Burger School ring Batavia duk warsa 1917, raris malajah ring Univérsitas Leiden, ring Belanda tur ngamolihang ijazah Meester in de Rechten (Sarjana Hukum) ring 1933.

Achmad Soebardjo
Menteri Luar Negeri Indonésia ke-1
Masa jabatan
2 Séptember 1945 – 14 Nopémber 1945
SadurungnéTen wénten (jabatan anyar)
SelanturnéSutan Syahrir
Masa jabatan
4 Agustus 1951 – 20 Désémber 1952
Patih AgungSukiman Wirjosandjojo
SadurungnéMohammad Roem
SelanturnéWilopo
Informasi pragaan
Embas(1896-03-23)23 Maret 1896
Kobér Belanda Karawang, Jawa Barat, Hindia Belanda
Séda15 Désémber 1978(1978-12-15) (yusa 82)
Kobér Indonésia Jakarta, Indonésia
Kawangsaan Indonésia
RabiPoedji Soebardjo
Alma materKobér Belanda Univérsitas Leiden, Belanda
PropésiDiplomat
Achmad Subardjo ring sisi kiwa Sukarno ring warsa 1945

Ring 1927 dané kapilih dados wakil Indonésia ring persidangan antarbangsa "Liga Ngelawan Impérialisme miwah Penindasan Penjajah" ring Brussels raris ring Jerman. Samulihnyané saking Hindia Belanda, dané ngawit mautsaha antuk dados sekaan Badan Penyelidik Usaha Persiapan Kemerdekaan Indonésia (BPUPKI) miwah Panitia Persiapan Kemerdekaan Indonésia (PPKI). Dané sareng taler nyurat naskah proklamasi. Ring warsa 1945 dané kadadosang Menteri Luar Negeri Indonésia sané kapertama, ngantos warsa 1952. Sasampun punika dané kadadosang Duta RI ring Suis, ngawit saking warsa 1957 ngantos warsa 1961. [1]

Pustaka uah

  1. Ensiklopedia Pahlawan Nasional. Kuncoro Hadi & Sustianingsih. Istana Media, Yogyakarta, 2015